भगतराम थारु
बाँके असार १६ गते । यही २० गते नेपालागन्जमा म्युजिक कन्सर्ट हुने भएको छ । आर्थिक बर्ष सकिनै लाग्दा व्यापारी व्यवसायीहरुको थकानलाई मेटाउन म्युजिक कन्सर्टको आयोजना गरिन लागेको आयोजकले जनाएको छ । यतिबेला सबै पेशा र व्यवसायमा लागेका आम व्यक्तिलाई पुरानो कामको समिक्षा र नयाँ योजना निर्माणले ब्यस्त बनाइरहेको हुनाले मनोरञ्जनले पनि उनिहरुको हिम्मत बढाउनका लागि यस्तो खालको कार्यक्रम आवश्यक रहेको आयोजकले आइतवार नेपालगन्जमा पत्रकार सम्मेलन गरि जानकारी गराएको छ । मिम्स इभेन्ट म्यानेजमेन्टको आयोजनामा हुन लागेको कन्सर्टमा नेपालकै चर्चित चर्चिक कलाकारहरुको प्रस्तुती समेत रहने आयोजक टिमका संयोजक मिमबहादुर बुढाले बताउनुभयो । असार मसान्त सम्ममा पुरानो कामको समिक्षा र नयाँ योजना बनाएर ब्यस्त भएका आम पेशा व्यवसायीलाई मनोरञ्जन दिने उद्देश्यका साथ मिम्स इभेन्ट म्यानेजमेन्टले कन्सर्ट आयोजना गर्न लागेको हो । बार्षिकरुपमा नयाँ कार्ययोजना बनाएर फुर्सदमा हुँदै गरेका आम पेशा व्यवसायीहरुलाई लक्षित गरी नेपालगन्जमा कन्सर्ट आयोजना गरिएको मिम्स इभेन्ट म्यानेजमेन्टका संयोजक बुढाले बताउनुभयो । असार २० गते नेपालगन्जस्थित सिद्धार्थ कटेजमा साँझ ७ बजेदेखि हुने ‘म्युजिक कन्सर्ट–२०१९’ मा चर्चित गायिका ज्योति मगर, गायिका अमृता लिम्बु, स्थानीय गायिका रबिना तिवारी र डिजे विकासको प्रस्तुती रहने बुढाले पत्रकार सम्मेलनमा जानकारी दिनुभयो । सुरक्षाका लागि जिल्ला प्रशासन कार्यालय, जिल्ला प्रहरी कार्यालय र वडा प्रहरी कार्यालय नेपालगन्जसँग समन्वय गरिसकेको समेत उहाँले जानकारी दिनुभयो । नीजि क्षेत्रबाट पनि सुरक्षा गार्डहरुको व्यवस्था गरिने उहाँले जानकारी दिनुभयो । कन्सर्टमा प्रवेशका लागि १ हजार रुपैया राखिएको आयोजकले जनाएको छ । करिव ८ लाखको लागतमा हुन लागेको कन्सर्टमा ५÷६ सय जनाको सहभागिता हुने आयोजकले जनाएको छ । कार्यक्रममा स्थानिय कलाकारहरुको पनि वेजोड प्रस्तुती हुने छ ।
Discussion about this post