दाङ भदौ २७ गते ।
जिल्ला प्रशासन कार्यालय दाङले कफ्र्यु हटाएपछि जनजीवन क्रमशः सामान्य बन्दै गएको छ । यद्यपि, प्रशासनले शुक्रबार बिहान ५ देखि दिउँसो १ बजेसम्मका लागि निषेधाज्ञा जारी गरेको हो ।
कफ्र्यु हटेपछि अवस्था सामान्य हुँदा नागरिकहरू अतिआवश्यक कामका लागि बाहिर निस्किन थालेका छन् । प्रमुख जिल्ला अधिकारी विश्वप्रकाश अर्यालले जनजीवन सामान्य बन्दै गएकाले कफ्र्यु हटाएको जानकारी दिए । यद्यपि, हुलदङ्गा अशान्ति हुने सम्भाना अझै पनि हुन सक्ने भएकाले बिहान ५ देखि दिउँसो १ बजेसम्म निषेधाज्ञा जारी भएको बताए ।
उनले पाँच जनाभन्दा बढि भेला हुन नपाउने, नारा जुलुस गर्न नपाउने जानकारी दिए । यस अघि जिल्लाको घोराही, तुलसीपुर, लमही र राप्तीमा कफ्र्यु आदेश जारी गरिएको थियो । अहिले पनि नेपाली सेना, नेपाल प्रहरी र सशस्त्र प्रहरीका टोलीहरूले सरकारी कार्यालयदेखि बजार क्षेत्रसम्म संयुक्त गस्ती गरिरहेका छन् ।
Discussion about this post