बाँके मंसिर ३ गते ।
मर्यादाको लागि महिला आवाजले समुदायस्तरमा सरोकारवालासंग लागूपदार्थ न्यूनीकरण सम्बन्धि अन्तरक्रिया कार्यक्रम सम्पन्न गरेको छ ।
नेपालगञ्ज–७ स्थित संस्था मर्यादाको लागि महिला आवाजले ब्रिटिश काउन्सिल र दलित लाइभ्स म्याटरको सहकार्यमा मंगलबार नेपालगञ्जमा गरेको अन्तरक्रिया कार्यक्रममा संस्थाकी अध्यक्ष बसन्ती नेपालीले अहिले समाजमा भयावह रुप लिँदै गरेको लागूपदार्थ दुब्र्यसन भित्रभित्रै भुसको आगो जस्तै फैलिँदै गएकोले समुदायस्तरमा सचेतना प्रबद्र्धन गर्न आवश्यक ठानेर अन्तरक्रिया कार्यक्रम गरिएको बताइन् ।
लागूऔषध प्रयोगमा नयाँ पुस्तालाई निरुत्साहित गर्दै यस विरुद्ध सचेतनामूलक जागरणका लागि युवाहरुसंग अन्तरक्रिया गरिएको नेपालीले जानकारी दिइन् ।
युवाहरुलाई लक्षित गरेर गरिएको अन्तरक्रिया कार्यक्रममा बास नेपालका माधव कार्की, शोभा थापा मगरले अभिमुखीकरण गर्दै लागूऔषधको असर र प्रभाव, यसको दलदलमा फस्ने कारण, अपनाउनुपर्ने सजगता, यसबाट उम्किने उपायहरु लगायतका विषयमा अन्तरक्रिया गरेका थिए ।
Discussion about this post