बाँके चैत २९ गते ।
नेपालगन्जमा दुई लाख रुपैयाँ पुरस्कार राशिको रात्रिकालीन क्रिकेट प्रतियोगिता आयोजना हुने भएको छ।
भेरी रकर्स स्पोट्र्स क्लबको आयोजनामा नेपालगन्ज उपमहानगरपालिका–विशालनगरमा आगामी वैशाख ३ गतेदेखि प्रतियोगिता सञ्चालन हुन लागेको हो। टेनिस बल प्रयोग गरी १० ओभरको खेल ढाँचामा प्रतिस्पर्धा गरिने आयोजकले जनाएको छ।
क्लबका अध्यक्ष मोहम्मद साजिद खानका अनुसार प्रतियोगितामा ३२ टोलीको सहभागिता रहनेछ। प्रतियोगिताको विजेताले दुई लाख रुपैयाँ तथा उपविजेताले एक लाख रुपैयाँ पुरस्कार प्राप्त गर्नेछन्।
प्रतियोगिता सञ्चालनका लागि करिब २० लाख रुपैयाँ खर्च हुने अनुमान गरिएको छ। क्लबले विगत वर्षहरूदेखि नियमित रूपमा आयोजना गर्दै आएको प्रतियोगिताको यो चौथो संस्करण हो।
रात्रिकालीन खेलमार्फत स्थानीय खेलाडीको प्रतिभा उजागर गर्नुका साथै खेलकुद गतिविधि प्रवद्र्धन गर्ने उद्देश्यले प्रतियोगिता आयोजना गर्न लागिएको आयोजकले जनाएको छ।
Discussion about this post