बाँके, साउन ३० गते ।
प्रहरीले बर्दियाबाट ठूलो परिमाणमा खैरो हेरोइनसहित एक जनालाई पक्राउ गरेको छ। बढैयाताल गाउँपालिका–२ का ५२ वर्षीय दिवे सुनारलाई ३४९ ग्राम ३६० मिलिग्राम खैरो हेरोइनसहित पक्राउ गरिएको हो।
लागुऔषध नियन्त्रण ब्यूरो, नेपालगन्ज शाखाबाट खटिएको टोलीले सुनारलाई पक्राउ गरेको ब्यूरोका एसपी दुर्गाराज रेग्मीले बताए। उनका अनुसार पक्राउ परेका सुनारको साथबाट उक्त परिमाणको खैरो हेरोइन बरामद भएको हो।
प्रहरीको प्रारम्भिक अनुसन्धानमा सुनारले भारतबाट खैरो हेरोइन ल्याएर लुम्बिनी प्रदेशका विभिन्न जिल्लामा बिक्री गर्ने गरेको खुलेको छ।
पक्राउ परेका सुनारमाथि इलाका प्रहरी कार्यालय मैनापोखर, बर्दियाले थप अनुसन्धान गरिरहेको प्रहरीले जनाएको छ।
ADVERTISEMENT
Discussion about this post