चीनले नेपालसँग जलविज्ञान अनुगमनसम्बन्धी सूचना निरन्तर आदानप्रदान गर्ने

काठमाडौं, भदौ १९ गते ।
चीनले नेपालसँग आपत्कालीन जलविज्ञान अनुगमनसम्बन्धी सूचना निरन्तर आदानप्रदान गर्ने जनाएको छ।

उद्धार तथा विपद् राहतका काममा सहयोग पु¥याउन यस्तो सूचना आदानप्रदान गरिने काठमाडौंस्थित चिनियाँ दूतावासले जनाएको हो। यसमा नदीमा बनेका अवरोध र हिमतालबाट उत्पन्न हुन सक्ने जोखिमसम्बन्धी सूचनासमेत समेटिनेछ।

चीनको मौसमसम्बन्धी निकायका अनुसार केरुङ–रसुवा सीमाक्षेत्रमा भीषण पहिरो गएदेखि नै नेपाललाई मौसम अनुगमन, मौसम पूर्वानुमान, पूर्वचेतावनी तथा मौसमको प्रभावसम्बन्धी सूचना उपलब्ध गराउँदै आएको छ।

विपद् भएपछि चिनियाँ प्रशासनले नेपालको मौसम विभागसँग भिडियोमार्फत मौसमसम्बन्धी परामर्शसमेत गरेको जनाएको छ। साथै, नेपालको उद्धार तथा राहत कार्यमा आवश्यक मौसमसम्बन्धी सहयोग सक्रिय रूपमा उपलब्ध गराउँदै आएको चीनको भनाइ छ।