बर्दिया मंसिर १७ गते । बर्दियाको वढैयाताल गाउँपालिका वडा नंं ६ लाई आज मिति २०७६ मंसिर १६ गते बालविवाह मुक्त वडा घोषणा गरिएको छ । हामि सवैको एक्यवद्धता बालविवाह विरुद्ध साझा प्रतिबद्धता भन्ने मुल सन्देसका साथ मैना पोखरमा एक भव्य समारोहका विचमा बालविवाह मुक्त वडा घोषणा गरिएको छ । वढैयाताल गाउँपालिका वडा नंं ६ का वडा अध्यक्ष राम हरष थारुको सभाध्यक्षमा भएको घोषणा समारोहमा अध्यक्ष थारुले
वडाको पाश्र्वचित्र प्रस्तुतिकरण गर्दै साझा प्रतिबद्धता सहित वडालाई बालविबाह मुक्त वडा घोषणा गरिएको हो । बडालाई बालविवाह मुक्त घोषणा गर्नु अघि वडामा झण्डै ३ वर्षदेखि विभिन्न सामाजिक तथा जनचेतनामुलक कार्यक्रमहरु गरि साथै वडाका सवै घरधुरीले त्यस विषयलाई गंभिर रुपमा लिएर बालविवाह गर्न र गराउन छोडेपछि वडालाई घोषणा गरिएको आयोजकले जानकारी दिएको छ । यो भन्दा अघि पनि वडा नंं २ र ३ लाई बाल विवाह मुक्त वडा घोषणा गरिएको थियो ।
सो कार्यक्रममा वडा अध्यक्ष राम हरष थारुले प्रस्तुत गरेको साझा प्रतिबद्धतालाई प्रमाणित गदै कार्यक्रमका प्रमुख अतिथि प्रदेश नंं. ५ का प्रदेश सभा सदस्य माननिय श्री कविराम थारुले हस्ताक्षर गर्दै अभियानलाई पुर्ण रुपमा सहयोग गर्ने प्रतिबद्धता गर्नुभयो ।
सो कार्यक्रममा प्रदेश सभा सदस्य भुवनेश्वर थारु, जिल्ला समन्वयन समिति बर्दियाको प्रमुख शंकर प्रसाद थारु, गाउँपालिकाको अध्यक्ष लाल बहादुर श्रेष्ठ, उपाध्यक्ष दिपा गौतम, साझेदार संस्था आवाजका कार्यकारी निर्देशक पवित्रा शाही, एक्पातका कार्यकारी निर्देशक आशिष सिन्हा लगाएत बुद्दिजिवी,सामाजसेवी,विद्यार्थी, नागरीक समाज, आमा समुह, युवा समुह, बालक्लव लगाएत हजारौँको संख्यामा सहभागीता रहेको राजेन्द्र विष्टले बताए ।
Discussion about this post