बाँके पुस ७ गते । बाँकेको राप्ती सोनारी गाउँपालिकाका उपाध्यक्ष धनी कुमारी खत्रीलाई बाटो अनुगमनको विषयमा दिइएको धम्की र सांघातिक हमलाको प्रयासप्रति बाँकेका स्थानीय उपप्रमुखहरुले प्रेस बिज्ञप्ति मार्फत ध्यानाकषर्ण गराएको छ ।
पुस ४ गते राप्तीसोनारी गाउँपालिकाको कार्यकक्षमै पुगेका राप्ती सोनारी ४, बैजापुर निवासी ठेकेदार मान बहादुर खड्काले विनौनाचौक देखि मधुवा जोडने पुल सम्मको बाटो बनाउने योजनाका विषयमा अनुगमनको फाईलमा हस्ताक्षर गर्नुपर्ने दबाब दिएपछि उपाध्यक्ष खत्रीले अनुगमन गरेर मात्र हस्ताक्षर गर्ने प्रस्ट्याउदा समेत ठेकेदार खड्काले उपाध्यक्ष खत्रीमाथी गरेको दुर्वव्यवहार, हातपात, धम्की र कार्यालय परिसरमा तोडफोड गरेको प्रति योजना अनुगमन समितिका संयोजक तथा पालिका उपाध्यक्ष-उपप्रमुखहरु घोर भत्र्सना गरिएको छ ।
साथै राष्ट्रसेवक कर्मचारीको महत्वपुर्ण जिम्मेवारी पाएको सोही पालिकामा कार्यरत इन्जिनियर दिपेन्द्र सापकोटाले समेत जनप्रतिनिधिलाई काम गर्न सहज वातावरण र सहयोग गर्नुपर्ने अवस्थाको उलंघन गर्दै उपाध्यक्ष खत्री माथी गरेको असहज र असहयोगप्रति पनि खेद प्रकट गरिएको छ ।
नेपालको संविधान र स्थानीय सरकार संचालन ऐनले उपाध्यक्ष-उपप्रमुखलाई अनुगमन समितिको संयोजकको रुपमा दिइएको अधिकार र जिम्मेवारी अनुसार भूमिका निर्वाह गर्दा हुने यस्ता घट्नाले डर त्रास र असुरक्षाको अनुभुति गराएको छ ।
निर्वाध रुपमा काम गर्ने वातावरणको अभाव र केहि कर्मचारीको असहयोगको कारण जनभावना अनुसार काम गर्न पनि थप चुनौति सृजना भएको नेपालगन्ज उपमहानगरपालिका उपप्रमुख उमा थापा मगरले जानकारी दिनुभयो ।
हुल हुज्जत गरि जनप्रतिनिधिलाई धम्काइनु गम्भिर अपराध हो भन्ने हाम्रो ठहर सम्र्ट गरेको छ ।
कुनै पनि नाम या वाहानामा गरिने यस्ता क्रियाकलाप स्वीकार्य छैन ।
यसर्थ यस्ता घटना पुनरावृत्ति हुने परिस्थिती सिर्जना नगरिदिन हुन सम्बद्ध सबैमा आग्रह गर्दै उक्त घटनामा संंलग्नलाई कानूनी कारवाहीको दायरामा ल्याउन जोडदार माग पनि गरिएको छ ।
शान्ति सुरक्षा कायम गर्दै निर्वाध विकास निर्माणको वातावरण सृजना गर्न समेत सम्बद्ध सबैमा अनुरोध गरिएको छ ।
अनुरोध गर्नेमा नेपालगन्ज उपमहानगरपालिका उपप्रमुख उमा थापा मगर, कोहलपुर नगरपालिकाका उपप्रमुख सञ्जु चौधरी, बैजनाथ गाउँपालिकाका उपाध्यक्ष शारदा वि.क. रेग्मी,खजुरा गाउँपालिकाका उपाध्यक्ष एकमाया वि.क,डुडुवा गाउँपालिकाका उपाध्यक्ष साहिदा बानो,जानकी गाउँपालिकाका उपाध्यक्ष भुमिसरा धिताल, नरैनापुर गाउँपलिकाका उपाध्यक्ष जयन्ती श्रीवास्तव रहेका छन ।
Discussion about this post