खोजखबर संवाददाता बाँके पुस ७ गते ।
बाँकेको हुलाकी सडक अन्तरगत पर्ने राप्ती पुलको करिव सय मिटर अगाडी विना नदी र सडक विनै पुल निर्माण भएको छ । ०७०/०७१ मा भैरव कन्ट्रक्सन काठमाण्डौले ठेक्का पाएको उक्त पुल ०७६ सालमा सकिएको छ । ०७६ साल जेष्ठमा सकिनुपर्ने पुल अहिले सकिएको हो ।
उक्त पुलको तल नदी छैन, सडक पनि छैन ।
नदी र सडक नभएको ठाउँमा पक्की पुल भने बनिसकेको छ । पुलमा न गाडी गुड्छन, न त मानिसको आवतजावत नै हुन्छ । हुलाकी सडक आयोजनाको अभिलेखमा राप्ती नदीमाथि पुल रहेको उल्लेख छ ।
आयोजनाको अभिलेखमा उल्लेख भएजस्तै पुल न राप्ती नदीमाथि छ, न त यो पुल सडकमा नै बनेको छ ।
४ करोड १२ लाख ९० हजार लागतमा बनेको पुल प्रयोगविहीन बनेको छ । हचुवाका भरमा पुल निर्माण गर्दा प्रयोगमा आउन नसकेको स्थानिय गंगाराम थारुले भन्नुभयो ।
उहाँले त्यहाँ पूरै बालुवा छ । राप्ती नदीको बगर क्षेत्र पूरै बालुवायुक्त छ । त्यहाँ वारपार नै पुल बनाउन पहिले नै अध्ययन थालिनुपथ्र्यो उहाँले भन्नुभयो । जुन किसिमको बन्नुपर्ने हो त्यो किसिमकोले पुल निर्माण नबनेको उहाँले बताउनुभयो ।
हचुवाका भरमा काम शुरु गर्दा सडकविनाको पुल मात्र बन्न पुगेको छ । पुल बनाउनै पर्ने भए राप्ती पुल सटेर बनाउनुपर्ने उहाँले धारणा राख्नुभयो ।
राप्ती नदीमा सञ्चालनमा रहेको अर्को पुलसँगै जोडेर एक किलोमिटर लामो पुल निर्माण भए मात्रै समस्या समाधान हुन्छ, त्योबाहेक अरु विकल्प छैन स्थानिय फलुदन्त चौधरीले भन्नुभयो ।
२÷३ बर्ष देखि यो पुल यस्तै देखिरहेको छु चौधरीले भन्नुभयो । खाली ठाउँमा बनाएको हुनाले उपयुक्त ठाउँमा नरहेको उहाँले धारणा राख्नुभयो ।
नेपालगञ्ज–नरैनापुर हुलाकी सडक खण्डको राप्ती नदी किनार नजिकै बनाइएको ५० मिटर लामो पुल प्रयोगमा नआउँदा सवारी साधन कच्ची बाटो हुँदै आवतजावत गर्दै आएका छन् ।
यही पुललाई नर्सरीसम्म नजोडेसम्म यसको केही काम नहुने स्थानिय बालापुरका बर्साती यादवले भन्नुभयो । यसलाई जोडेर अझ लामो बनाउनुको विकल्प नभएको उहाँले बताउनुभयो ।
बर्खायाममा राप्ती नदीमा बाढी आउँदा आवतजावतमा समस्या हुँदै आएको उहाँले बताउनुभयो । मोटरसाइकल, साइकल र पैदलयात्रुलाई समस्या हुने गरेको छ । बर्खामा राप्ती नदीमा बाढी आएपछि आवतजावत नै ठप्प हुन्छ स्थानिय उदयराज यादवले भन्नुभयो ।
पुल प्रयोगमा नआउँदा वैकल्पिक सडकबाटै सवारी साधन आवतजावत गर्दै आएका छौ यादवले भन्नुभयो । वर्षायाममा बाढी आइहाल्यो भने आवतजावतमा समस्या हुने गरेको स्थानीयवासी यादवको भनाइ छ ।
पुल बनेको ठिकै हो तर यो पुल जस्तै अझै आठवटा पुल बनेमात्र यसपुलको सार्थकता जनताले पाउने स्थानिय भैरवपुरी नागाबाबाले भन्नुभयो । पुल बन्यो पुलमाथि हिडदुल गर्ने वातावरण नै छैन नागाबाबाले भन्नुभयो ।
हुलाकी सडक आयोजना नेपालगञ्जका अनुसार सो स्थानमा करीब एक किलोमिटर लामो पुल निर्माण गर्नुपर्ने अवस्था देखिएपछि सडक निर्माण कार्य रोकिएको थियो । २०७० सालको ठेक्का भयो बाढि २०७१ सालमा आयो योजना भैसकेको हुनाले यसलाई विचमा रोक्न नसकिएको हुलाकी सडक आयोजना नेपालगञ्जका निमित्त प्रमुख रामसागर हरिजनले भन्नुभयो ।
पुलको कार्यलाई धेरैचोटी रोक्ने प्रयास भयो तर योजनाको डिजाईन भैसकेको हुनाले माथिको निर्देशन बमोजिम रोक्ने र काम गर्ने प्रक्रिया चलिरहेको आयोजनाका निमित्त प्रमुख हरिजनले भन्नुभयो ।
यसलाई रोक्न पूरै बगर क्षेत्रमा पुल निर्माण गर्नुपर्ने भएपछि सडक निर्माणको काम रोकिएको हुलाकी सडक आयोजना नेपालगञ्ज कार्यालयका निमित्त प्रमुख हरिजनले बताउनुभयो ।
विसं २०७१ असार २५ मा ठेक्का सम्झौता भएर निर्माण शुरु भई २०७६ जेठ ३० मा सम्पन्न गरिसक्नुपर्ने पुलको निर्माण कार्य प्रगति ७३ प्रतिशत रहेको आयोजनाले जनाएको छ । पहिले बीचमा पुल बनाएर प्रयोग गर्न सकिन्छ कि भन्ने थियो । त्यो सम्भव नभएपछि सडक निर्माण रोकिएको थियो हरिजनले भन्नुभयो ।
अहिले सडक बनाउँदा लगानी खेर जाने भएपछि निर्माण रोकिएको बताउँदै उहाँले थप एक किलोमिटर क्षेत्रमा पुल निर्माणका लागि अध्ययन भएर डिजाइनको काम भइरहेको जानकारी दिनुभयो । यसको काम पनि छिट्टै हुने उहाँले जानकारी गराउनुभयो ।
कहिले भन्ने फिक्स नभएको जानकारी गराउदै निमित्त प्रमुख हरिजनले भन्नुभयो यस विषयमा पनि कुरा चलिरहेको छ । काम पनि हुन्छ ।
देशका कतिपय स्थानका नदीमा पुल नहुँदा स्थानीयले सास्ती व्यहोरेका छन् । तर नेपालगञ्जदेखि ७ किलोमिटर टाढा न नदि न सडकमा पुल निर्माण भैसकेको छ ।
सो सडकमा एउटा यस्तो पुल बनेको छ जहाँ खोला नै छैन । नेपालगञ्जको नरैनापुर हुलाकी सडक खण्डमा बनाइएको एक पुलको तल कुनै नदी नै छैन ।
सडक डिभिजन कार्यालय नेपालगन्जको अभिलेखमा उक्त पुल राप्ती नदीमाथि बनाइएको उल्लेख गरिएको छ ।
त्यति मात्र होइन उक्त पुलले सडकलाई पनि छोएको छैन । स्थानियका अनुसार सो पुल बनाउनु भन्दा नबनाएकै जाति थियो तर कस्ले र कसरी बनायो सो बारेमा जानकारी नभएको स्थानियहरुको भनाई छ ।
Discussion about this post