दैलेख पुस ६ गते । विप्लव नेतृत्वको पार्टीको अपहरणमा परेका दैलेखको ठाटीकाँध गाउँपालिकाका अध्यक्ष धिरबहादुर शाही अपहरण मुक्त भएका छन्। शाहीलाई प्रहरीले आइतबार साँझ कालिकोटको शुभपालिका गाउँपालिको एक जंगलबाट सकुसल उद्धार गरेको हो। सो जङ्गल दैलेख र कालिकोटको सिमानामा पर्छ । प्रहरीले संका को आधारमा कालिकोटका सबै गाउपालिका नगरपालिका मा बाक्लो मात्रमा प्रहरी परिचालन गरेको थियो ।
जिल्ला प्रहरी कार्यालय कालिकोटका अनुसार विप्लव कार्यकर्ताले एकान्त जंगलमा राखेको अवस्थामा उनको उद्धार गरिएको हो । प्रहरीले ३ ठाउँबाट घेरा हाले पछि बिप्लब समुहले ढुङ्गा मुढा गरे पछि केहि राउन्ड गोलि समेत प्रहार गरेको थियो । अहिले अध्यक्ष सकुसल रहेको र उहाँ लाई सम्बन्धित ठाउँमा ल्याउन लागिएको प्रहरी ले जानकारी दियको छ ।
गाउँपालिकाका अध्यक्ष शाहीसहित पत्नी र भाइ शनिबार मध्यराति अपहरणमा परेका थिए। अध्यक्ष शाहीसँगै अपहरणमा परेकी पत्नी इला शाही भने यसअघि नै छुटेकी छन्।
प्रहरीले अपहरणकारी लाई खोजीकार्य जारी राखेको जनायको छ ।
Discussion about this post