बाँके पुस ७ गते ।
यही पुस १२ गते नेपालगन्जमा हुने मिस नेपालगन्ज र लिटिल मिस भेरीको तयारी तिव्र रुपमा भैरहेको छ ।
मिस नेपालगन्ज र लिटिल मिस भेरी कार्यक्रमको लागि दैनिक विभिन्न खाले कार्यक्रम गरिदै आएको छ । नेपालगन्जलाई लक्षित गरि लिटिल मिस भेरी पनि नेपालगन्जमै हुने भएको हुनाले प्रतियोगिहरुलाई विभिन्न खाले तालिमहरु दिइदै आएको आयोजकले जनाएको छ ।
इभेन्टको लागी उर्बर भुमि नेपालगन्जमा विभिन्न इभेन्ट तथा सौन्दर्य प्रतियोगिताको क्रेज दिनानुदिन बड्दै गैरहेको अवस्थामा बिगत एक दशक देखि संचालित मिस नेपालगन्ज तथा लिटिल मिस भेरी २०१९ का प्रतिस्पर्धी सोल्टी क्राउन प्लाजाको भ्रमणमा पुगेको थियो ।
मिस नेपालगन्ज तथा लिटिल मिस भेरी २०१९ का प्रतिस्पर्धीले सोल्टी वेस्टेन्ड प्रीमियर होटेल एन्ड रिसोर्टमा टेबल म्यानर संगै डाइनिङ इटिक्विटको तालिम प्रदान दिइएको थियो ।
होटेल सोल्टिका जेनेरल म्यानेजर इन्द्र खड्काले मिस नेपालगन्ज तथा लिटिल मिस भेरिका प्रतिस्पर्धीलाई तालिम प्रदान गर्नुभएको थियो । तालिम प्रदान गरेपश्चात् सोल्टिका जेनेरल म्यानेजर खड्काले यस्तो किसिमको भिजिटले प्रतिस्पर्धीमा आत्मविश्वास जागृत गर्ने बताउनुभयो । तालिममा सानो कुरा ख्याल गरिएन भने लज्जास्पद पनि हुने गरेको हुनाले यस्तो खाले जानकारीहरु पनि राख्न आवश्यक रहेको उहाँले बताउनुभयो ।
प्रतिस्प्रधिलाई उहाँले पाँच तारे होटल होस या सामान्य होटलमा गएपछिको वातावरण र गर्ने व्यवहार आफुले जानी राख्नुपर्ने भएको हुनाले लिटिल मिस भेरी र मिस नेपालगन्जका प्रतिस्प्रधिहरुलाई पनि यस्तो खाले जानकारी राख्न आवश्यक रहेको उहाँले बताउनुभयो ।
मिस नेपालगन्ज भएपछि पनि सामान्य खाले आवश्यक कुराहरुको ज्ञान हुन आवश्यक रहेको आयोजक टिम तथा एक्स जेनेरेसनका प्रेसिडेन्ट संयोग जंग शाहले बताउनुभयो ।
सौन्दर्य प्रतियोगिताको आयोजक संस्था एक्स जेनेरेसनका प्रेसिडेन्ट शाहले सोल्टी भिजिट पछि प्रतिस्पर्धीमा क्षमता वृद्धि संगै उनिहरुले गर्ने ब्यवहार र मनोबलमा वृद्धि भएको बताउनुभयो ।
धेरै प्रतिस्प्रधिबाट छनोट गर्नुपर्ने भएको हुनाले सुरु सुरुमा आएका प्रतिस्प्रधिलाई सिकाउन गाह्रै हुने गरेको इभेन्टको असिस्टेन्ट कोरियोग्राफ दिपिका श्रेष्ठले जानकारी गराउनुभयो ।
यस्तै आर्ट अफ लिभिङ फाउन्डेसनका काव्य लम्सालले मिस नेपालगन्ज २०१९ का प्रतिस्पर्धीलाई योगा सम्बन्धि कक्षा प्रदान गरिएको छ । मिस नेपालगन्ज तथा लिटिल मिस भेरीका प्रतिस्पर्धीहरुले वर्कसपमै पुगेर सो कक्षा प्रदान गरेका हुन् ।
सो क्रममा आर्ट अफ लिभिङ फाउन्डेसनका लम्सालले मिस नेपालगन्ज २०१९ का प्रतिस्पर्धीलाई योगा सम्बन्धि कक्षाका सथै मेडिटेसनको बारेमा पनि जानकारी प्रदान गरेको आयोजक एक्स जेनेरेसनका प्रेसिडेन्ट शाहले बताउनुभयो । अति नै ब्यस्त जिबनशैलीमा थोरै मात्र भएपनि समय निकालेर आफुलाई रिल्याक्स राख्न सकिने, थोरै मात्र समय निकालेर योगा र मेडिटेसन गर्दा विभिन्न रोग संगै मानसिक पिडाबाट समेत मुक्त हुने कुरा लम्सालले बताउनुभयो ।
आर्ट अफ लिभिङले प्रदान गरेको वर्कसपले आफु र आफ्नो सोचलाई नेगेटिभबाट पोसिटिभमा कसरी लैजाने , आफ्नो सोचलाई कसरी बदल्ने जस्ता कुराहरु सिकेको र यो कक्षाले जीवन परिवर्तन गर्न मद्दत मिलेको मिस नेपालगन्जका प्रतिस्पर्धीले बताएका छन् ।
पुस १२ गतेका दिन मिस नेपालगन्ज तथा लिटिल मिस भेरी २०१९ ताजको छिनोफानो हुनेछ भने ट्यालेन्ट राउन्ड शनिबार भएको आयोजकले जनाएको छ ।
ट्यालेन्ट राउन्डमा प्रतिस्पर्धीले आफुमा भएको क्षमता प्रस्तुत गरेका छन् भने इभेन्टको असिस्टेन्ट कोरियोग्राफ दिपिका श्रेष्ठ र सुमन थापाले गर्नुभएको छ भने कोरियोग्राफ अस्विनी झाले गर्नुभएको छ ।
इभेन्टको फोटोग्राफी एल्भिन कार्कीले गर्नुभएको छ ।
Discussion about this post