बाँके पुस १३ गते । बाँके डुडुवा गाउँपालिका वडा नं. ५ मा रहेको शहिद स्मारक माध्यमिक विद्यालयमा रेडियो श्रोता समुहको अगुवाईमा समग्र शिक्षाको गुणस्तरको अनुगमन गरिएको छ । सूचना र मानवअधिकार अनुसन्धान केन्द्र नेपालगन्जद्वारा आयोजित अनुगमनका क्रममा विद्यालयमा शिक्षकहरुले राम्ररी नपढाएको, विद्यार्थीहरुलाई सानो सानो कुरामा पनि लठ्ठीले पिट्ने गरेको, विद्यालयमा बत्ति र पंखाको व्यवस्था नभएको, खानेपानीको समस्या, चर्पी प्रयोग लगायत समस्याहरु रहेको विद्यार्थीहरुले गुनासो गरेका छन् । कक्षा कोठामा शिक्षक आएपनि पुरा समय नपढाउने गरेको विद्यार्थीहरुको गुनासो रहेको छ । विद्यालयमा २ वटा पि एन रहे पनि विद्यार्थीहरुले आफै सरसफाई गर्नुपर्ने अवस्था रहेको विद्यार्थीहरुको भनाई छ । विद्यालय परिसरमै बाहिरका केटाहरु आएर झै झगडा गर्ने गरेको विद्यार्थीह\रुको गुनासो छ । विद्यालय परिसरमै आएर झै झगडा गर्ने, खैनी चुरोट खाने गरेको विद्यार्थीहरुको भनाई छ । यसमा विद्यालय प्रशासनले कुनै पनि चासो नदेखाएको उनिहरुको भनाई थियो । विद्यालय व्यवस्थापन समितिका अध्यक्ष महेन्द्र बहादुर शाहीले डुडुवाको हकमा शहिद स्मारक विद्यालय नं. १ मा भएको उहाँले दावी गर्नुभयो । तर डुडुवाकाे हकमा १नं मा परे पनि त्यो स्कुल बाँकेकाे हकमा भने त्यति सुबिधायुक्त मानिदैन । अनुगमनका क्रममा भेटिएका कमि कमजोरीलाई सुधार गरेर लैजाने विद्यालय व्यवस्थापन समितिका अध्यक्ष शाहले भन्नुभयो । यस्तै अनुगमन टोलीले भने विद्यालय व्यवस्थापन समितिको लापरवाहीका कारण विद्यालयमा पढाई राम्रो नभएको ठहराएको छ । विद्यार्थीहरुले विद्यालयमा भएको सामाग्री समेत उपभोग गर्न नपाएको अनुगमन टोलीलाई उनिहरुले गुनासो गरेका छन् । अनुगमन टोलीमा सुचना तथा मानव अधिकार केन्द्र नेपालगन्जका रविद्र ज्ञवाली, थर्ड एलान्स नेपालगन्जका प्रमुख आलाम खान, फातिमा फाउण्डेशन नेपालका कार्यकारी अध्यक्ष मैमुना सिद्दिकी स्थानीय नागरीक रेडियो श्रोता समुहका सदस्य्हरु लगायत पत्रकारहरुको सहभागिता रहेको थियो ।
Discussion about this post