विष्णु अधिकारी बर्दिया माघ २७ गते ।
बर्दियाको सदरमुकाम गुलरिया नगरपालिकाको बिकासको मेरूदण्डको ?पमा लिईएको हुलाकी सडक आयोजना अन्तर्गत गुलरिया नगरपालिकाले गुलरिया बजार क्षेत्रमा आर सी सी नाली निर्माणको काम सु? गरेको छ । गुलरिया बजार क्षेत्रमा हुलाकी सडक निर्माण संगै सडकको दुबैतर्फ ढल निर्माणको उचित ब्यवस्थाका लागि गुलरिया नगरपालिकाले पक्किनली निर्माणको काम शुरू गरेको हो । गुलरिया नगरपालिकाले सुन्दर नगर निर्माणका लागि नाली निर्माण गर्ने प्रकृया शु? गरेको गुलरिया नगरपालिकाका नगर प्रमुख मुक्तिनाथ यादवले बताएका छन् । नगर प्रमुख यादवले हुलाकी सडक निर्माण सँगसँगै बन्ने नालीले ढल निकासमा सजिलो हुने भएकाले विकास निर्माणमा नगरबासिले सहयोग गरेकोमा खुलेर प्रशंसा गरेका थिए ।
यसअघि गुलरिया नगरपालिकाले हुलाकी सडकको दाँया बाँया ११ सय २० मिटर नाली निर्माणका लागि ६ करोडको टेण्डर आह्वान गरेको थियो । भ्याट बाहेक ४ करोड ९७ लाख १७ हजार ५ सय २१ मा खड्का कृष्ण जय धनन्जय जीभिले असार मसान्तसम्म काम गर्ने गरि सम्झैता गरेको छ । गुलरिया नगरपालिका र ५ नम्बर प्रदेशको सम पूरक अनुदानमा संचालित आयोजनाको कुल लागत भ्याट र पी एस सहित ६ करोड ६ हजार रहेको सब इन्जिनियर अर्जुन लम्सालले बताए । खड्का कृष्ण जय धनन्जय जे भी निर्माण कम्पनीले २०७७ असार २१ गतेसम्म ५ करोड ८५ लाखमा काम सम्पन्न गर्ने गरी नगरपालिका संग संझौता गरेको सब इन्जिनियर अर्जुन लम्सालले बताए । ११ सय २० मीटर लम्बाई रहेको सो आयोजना अन्तर्गत १५ स्थानमा कल्भट निर्माण हुने सब इन्जिनियर लम्सालले बताए । सो निर्माण कम्पनीको प्रतिनिधि अशोक यादव र साईड इन्चार्ज गौतम गुप्ता रहेका छन ।
Discussion about this post