बाँके फागुन ७ गते । नेपालगन्ज उपमहानगरपालिका-४ मा रहेको आधारभूत माध्यामिक बिद्यालय परिसरमा नगर प्रमुख डा. धवल शम्सेर राणाले आज गर्ल्स स्कुल भवनको शिलान्यास गर्नुभएको छ ।
सो अवसरमा बोल्दै नगर प्रमुख राणाले ठेकेदार कम्पनीका प्रतिनिधिलाई समय सिमा भित्रै काम सम्पन्न गर्न निर्देशन दिनुभएको छ ।
तपाईंहरुले दिनरात नहेरी भवन निर्माणको काम गर्नुस, मापदण्ड अनुसार सम्झौता सकिने म्याद समय भित्र नै निर्माण कार्य सम्पन्न गर्नुस भन्दै रकमको चिन्ता नगर्नुस असोवासन दिनुभयो ।
प्रदेश सरकार र उपमहानगरपालिकाको ५० / ५० प्रतिशत लगानीमा बन्न लागेको सो भवन निर्माण कार्यको अन्तिम म्याद असार मसान्तसम्म रहेको नेपालगन्ज उपमहानगरपालिका-४ का वडाध्यक्ष सफिक बेहनाले जानकारी दिनुभयो ।
करीव २ करोड लगानीमा ३ तल्ला, १८ कोठे भवन निर्माण गर्न सनिदेव जयदुर्गे जेबी, महेन्द्रनगरसङ्ग २०७६ माघ २४ गते ठेक्का सम्झौता भएको समेत वडाध्यक्ष बेहनाले जानकारी दिनुभएको छ ।
Discussion about this post