जयपति ढकाल बाँके फागुन ७ गते । चौथो निर्वाचन दिवस २०७६ निर्वाचनमा सरोकारवालाहरुको भुमिका बिषयक अन्तरक्रिया कार्यक्रम नेपालगञ्जमा भएको छ । “स्वच्छ स्वतन्त्र ,निष्पक्ष ,बिश्वसनिय र मितब्ययी निर्वाचन शान्ती ,स्थिरता ,समृद्धि र सुशासन भन्ने मुल नाराका साथ अन्तरक्रिया कार्यक्रम बुधबार जिल्ला निर्वाचन कार्यालय नेपालगञ्ज बाँकेको अयोजनामा गरीएको हो ।
नेपालमा २०१५ सालमा पहिलो संसदिय निर्वाचन प्रारम्भ भएको र नेपाली नागरिकले पहिलो पटक मताधिकार प्रयोग गरेको ऐतिहासिक दिन अर्थात फाल्गुन ७ गतेलाइ ऐतिहासिक महत्वको दिनको सम्झनामा र सामग्रमा लोकतान्त्रलाई सम्मान गर्न निर्वाचन आयोगले २०७२ सालदेखि प्रत्येक बर्ष फाल्गुन ७ गतेको दिनलाई निर्वाचन दिवसको रुपमा बिभिन्न कार्यक्रम गरि मुलुकभर मनाउदै आएको निर्वाचन अधिकारी खुम प्रसाद सुबेदि ले जानकारी दिनु भयो।
निर्वाचन दिवस मनाउने क्रममा २०७६ फागुन १ गतेदेखि ८ गते सम्म चौथो निर्वाचन दिवस २०७६ तथा मतदाता दर्ता सप्ताह को ब्यानर सहित मतदाता दर्ता कार्यक्रम सञ्चालन भइरहेको हिजो फाल्गुन ६ गते सामुदायिक माघ्यामिक विद्यालय अन्तरगत सरस्वती माध्यमिक विद्यालय नेपालगन्जमा “ निर्वाचन र लोकतन्त्र “बिषयमा वक्तृवकला प्रतियोगिता सञ्चालन कार्यलय परिसरमा सरसफाइ र बृक्षरोपण साथै ६, ७, ८ गते कार्यलयमा दिपावली गर्ने निर्वाचन कार्यलयले जानकारी दिएको छ ।
सो कार्यक्रममा आज ७ गते निर्वाचनमा सरोकारवालाहरुको भुमिका बिषयमा अन्तरक्रियाको अध्यक्षता खुम प्रसाद सुवेदी प्रमुख अतिथ्यता जिल्ला प्रसाशन कार्यलय बाँकेका प्रमुख जिल्ला अधिकारी कुमार बहादुर खड्का र अतिथी जिल्ला प्रहरी कार्यलयका प्रहरी उपरीक्षक वीर बहादुर वलि लगायतका विभिन्न सरोकारवालाहरुको उपस्तिथि रहेको थियो ।
Discussion about this post