फाइल फोटो
काठमाडौं फागुन १३ गते । प्रहरीले काठमाडौंस्थित कपन खरिबोटबाट रेड पाण्डाको छालासहित ४ जनालाई पक्राउ गरेको छ ।
सिन्धुली तिनपाटन गाउँपालिका—४ बालाजोर घर भई कपन पयैयुटार बस्दै आएका ३९ वर्षिय सुर्यबहादुर भुजेल, धादिङधुनिबेसी गाउँपालिका— ७ झाप्रे घर भई हाल ललितपुर ढोलाहिटी बस्दै आएका ४० वर्षिय सुकबहादुर लामा, कास्की मादी गाउँपालिका—८ तारकाङ घर भई हाल काठमाडौं गौशाला बस्ने ३७ वर्षिय युवराज सापकोटा र काठमाडौं बुढानिलकण्ठ नगरपालिका १३ घर भएका ४० वर्षिया कमला तामाङलाई पक्राउ गरेको प्रहरीले जनाएको छ ।
प्रहरीले शरीर खानतलासी गर्ने क्रममा सुर्यबहादुर भुजेलले पछाडी बोकेको कालो रंगको ब्याग भित्र निलो प्लाष्टिकमा बेरिएको अबस्थामा दुर्लभ बन्यजन्तु रेड पाण्डाको छाला १ थान फेला पारेको प्रहरी उपरिक्षक मुकेशकुमार सिंहले जानकारी दिए ।
चारै जनाले यस्तो कार्यमा संम्लग्न रहेको र रेड पाण्डा लगायतका दुर्लभ बन्यजन्तुका विभिन्न अंगहरुको अबैध बिक्री गर्ने गरेको भन्ने गोप्य सुचनाको आधारमा उनीहरुलाई प्रहरीले पक्राउ गरेको हो । आबश्यक कारवाहीको लागि जिल्ला बन कार्यालय हात्तीसार काठमाडौंमा पठाइएको प्रहरी उपरिक्षक सिंहले बताए ।
Discussion about this post