बाँके फागुन १३ गते । प्रदेश ५ सरकार कृषि, भुमी तथा सहकारी मन्त्री आरती पौडेलले मंगलबार नेपालगन्जमा आयोजित शुलभ कर्जा सहजीकरण तथा ब्याजमा अनुदान कार्यक्रमको शुभारम्भ तथा छलफल कार्यक्रमको उद्धाटन गरेकि छिन ।
कृषी पेशा गर्दै आयका किसान हरुलाई बैंकबाट लिने ऋृणको व्याजमा प्रदेश सरकारले अनुदान दिने भएको छ । कृषि पेशालाई आधुनिकीकरण र व्यवसायिक रुपले अगाडि बढाई उत्पादनसँग प्रत्यक्ष जोडिएका कृषकहरुको ब्याज अब प्रदेश सरकारले तिरिदिने भएको हो ।
मन्त्री पौडेल ले कार्यक्रम मा बोल्दै मन्त्रालयले एउटा कोष स्थापना गरेको छ, कृषकले बैंकबाट लिएको ऋृणको व्याज तिर्दा लाग्ने रकम अनुदान स्वरुप त्यो कोषबाट कृषकलाई ऋृणको व्याज दिने बताईन ।
उनले एक वर्षका लागि कृषकले लिएको ऋृणको १ देखि १० लाखसम्मको रकममा १० प्रतिशत व्याजमा अनुदान पाउने बताईन । त्यसैगरी १० देखि ३० लाखसम्मको ऋृणमा ८ प्रतिशत, ३० लाखदेखि १ करोडसम्मका लागि ६ प्रतिशत व्याजमा अनुदान दिइने व्यवस्था मन्त्रालय ले गरिएको वताईन । २ वर्षभन्दा माथिको ऋृणको व्याजमा ५ प्रतिशत अनुदान रहने र यस्तो ऋण बढिमा २ देखि ५ बर्षसम्मको समय अबधि रहने समेत बताईन ।
प्रदेश सरकारको मन्त्रिपरिषद्को बैठकले कृषकका लागि सुलभ कर्जा सहजीकरण तथा ब्याजमा अनुदान कार्यक्रम सञ्चालन कार्य्विधि २०७६ स्वीकृत गरिसकेको छ ।
स्वीकृत कार्य्विधिमा तोकिएको ब्याज अनुदान बैंक तथा वित्तीय संस्थाको अधिकतम ब्याजदरभन्दा बढी नहुने र नेपाल सरकारको ब्याज अनुदान कार्यक्रमअन्तर्गत नेपाल राष्ट्र बैंकबाट अनुदान पाउने किसानका हकमा फरक रकम मात्र भुक्तानी हुने व्यवस्था गरिएको छ ।
कृषि ज्ञान केन्द्र बाँकेका प्रमुख सागर ढकालले कार्य्बिधी अनुसार सुचना आव्हान, ईच्छुक किसानको निवेदन दर्ता, ऋृण प्रवाहका लागि बैंकहरुसङ्ग समन्वय गर्ने काम, परामर्श तथा सिफारिस जस्ता सम्पुर्ण कार्यहरुको सरलीकरण र सहजीकरण ज्ञान केन्द्रमा डेस्क स्थापना गरि सोही मार्फत आफुहरुले गरिदिने जानकारी दिए ।
Discussion about this post