बांँके फागुन १३ गते ।
नेपालगन्ज उपमहानगरपालिकाका जनप्रतिनिधि र सञ्चारकर्मि बिच नगरको बिकास निर्माण लगाएत समग्र गतिविधिको बारेमा छलफल तथा भेटघाट कार्यक्रम सम्पन्न गरेको छ ।
मंगलबार पत्रकार भेटघाट मार्फत उपमहानगरपालिकाले चालु आव ०७६/७७ मा संचालित मुख्यमुख्य कामहरुको ३४ बुँदे सुचि सार्वजनिक समेत गरेको छ ।
उपमहानगरपालिकाका प्रमुख डा. धवल शम्शेर राणाले नगर क्षेत्रभित्र चालु आवको ६ महिनाको अबधीमा ३३ किलोमिटर बाटो कालोपत्रे गरीनुका साथै १० किलोमिटर बाटो ढलान गरीएको बताए ।
उपमहानगरपालिकाले ३९ किलोमिटर नाला, आधुनिक ल्याण्डफिल्ड साईट निर्माण गरी संचालनमा ल्याएको, ७ वटा नगर बस संचालन गरेको, आकाशेपुलको डिपिआर तयार गरेको, बसपार्क क्षेत्रमा २३ वटा सिसि क्यामरा जडान गरेको तथा प्याष्टिकमुक्त अभियान संचालन गरीएको प्रतिवेदनमा उल्लेख गरीएको छ । वडा नंम्बर १ मा स्पोर्टस एकेडेमी संचालन गरेको प्रगती विवरणमा उल्लेख गरीएको छ । त्यसैगरी काञ्जिहाउस, वाटरपार्क, क्रिकेट मैदान, सार्वजनिक शौचालय निर्माणका साथै नगरका ३९ वटा स्थानमा हाईमष्ट लाईट जडानको प्रक्रिया अगाडी बढाईएको उपमहानगरपालिकाले जनाएको छ ।
उपमहानगरपालिकाका प्रवक्ता प्रमोद रिजालले सार्वजनिक गरेको प्रतिवेदनमा उपमहानगरपालिकाले भावी दिनमा संचालन गर्ने १५ वटा कार्यनीति समेत उल्लेख गरीएको छ । जसअन्तर्गत नेपालगन्जलाई महानगरपालिका बनाउने, विश्वविद्यालय स्थापना गर्ने, नगरलाई प्याष्टिक मुक्त बनाउने, छाडा पशुचौपायाको उचित ब्यवस्थापन गर्ने, नगरलाई साक्षर घोषणा गर्ने लगायतका योजनाहरु रहेका छन ।
साथै कार्यक्रममयसै आर्थिक वर्षदेखी लागु हुने गरी ४ लाखको पत्रकारिता अक्षयकोष समेत स्थापना गर्ने घोषणा गरिएको छ ।
Discussion about this post