बारा फागुनर २५ गते ।
बाराका पत्रकार वीरेन्द्र साह हत्याका आरोपी कुन्दन फौजदारलाई प्रहरीले पक्राउ गरेको छ । गएराति २ बजे फौजदारलाई उनकै घरबाट पक्राउ गरिएको जिल्ला प्रहरी कार्यालय बाराले जनाएको छ ।
वितेको १२ वर्षदेखि फरार रहेका बारागढी गाउँपालिकाको गडहल निवासी फौजदारलाई पक्राउ गर्ने क्रममा प्रहरीले ४ राउन्ड हवाई फायर गर्नु परेको बाराका प्रहरी उपरीक्षक कृष्ण पंगेनीले बताउनु भयो ।
२०६४ साल असोज १८ गते एभिन्यूज टेलिभिजनमा कार्यरत साहलाई पिपरा बजारबाट अपहरण गरी शान्ति सम्झौतामा आइसकेका तत्कालीन नेकपा (माओवादी)ले टाँगिया बस्ती जंगलमा लगेर हत्या गरेको थियो । हत्यारामध्येका दुई जना अझै फरार छन्।
ADVERTISEMENT
Discussion about this post