जनक साउद, बैतडी फागुन २५ गते ।
बैतडीमा आइतवार बिहान भएको जिप दुर्घटनाका घाइतेलाई थप उपचारका लागि हेलिकप्टरमार्फत नेपालगञ्ज रेफर गरिएको छ । दुर्घटनामा गम्भीर घाइते भएका दार्चुला दुहु गाउँपालिकाका ३८ बर्षीय हरक सिंह बडाल र ४१ बर्षीय प्रेम बल्लब जोशीलाई आइतवार दिउँसो नेपालगञ्ज लगिएको हो ।
बडाल र जोशीको बैतडीमा उपचार हुन नसक्दा डडेल्धुरा लगिएकोमा त्यहा पनि उपचार हुन नसक्दा सेनाको हेलिकप्टरमार्फत थप उपचारका लागि नेपालगञ्ज लगिएको इलाका प्रहरी कार्यालय पाटनका प्रहरी निरीक्षक धनदेव साँउदले बताउनुभयो । उनीहरु दुबै जनाको टाउको चोट रहेको बताईएको छ ।
धनगढीवाट दार्चुला जादैं गरेको सुप ००१ ज १२५७ नम्बरको जिप आइतवार बिहान २ बजे दशरथचन्द राजमार्ग अन्र्तगत बैतडीको पाटन नगरपालिका ६ पनतोलीमा दुर्घटनामा परेको हो । दुर्घटनामा जिप चालक दार्चुलाको दुहु गाउँपालिकाका ३५ बर्षीय धनसिंह बडालको घटनास्थलमै मृत्यु भएको थियो । मृतक चालकको शव परिक्षणका लागि पाटन प्राथमिक स्वास्थ्य केन्द्रमा राखिएको छ ।
यसैबिच दुर्घटनामा परि घाइते भएका दार्चुला दुहु कै २३ बर्षीय सुरेन्द्र बम, २० बर्षीया हेमन्ती बम र ४१ बर्षीय धन राज जोशीको डडेल्धुरा अस्पतालमा उपचार भइरहेको छ भने दुहुकै २२ बर्षीय द्रोपती जोशी पाटनमा उपचार भइरहेको जनाएको छ । दुर्घटनाग्रस्त जिप सडकबाट २५० मिटर तल खसेको छ । जिपमा सवार ७ जनामध्ये चालकको मृत्यु भएको हो भने अन्य ६ जना घाइते भएका हुन् ।
Discussion about this post