बाँके चैत ८ गते । कोरोना भाइर कोभिड–१९ नियन्त्रणका लागि प्रदेश ५ सरकारले ६ वटा आइसोलेसन वार्डयुक्त अस्पताल बनाउने तयारी गरेको छ । कोरोना रोकथाम तथा उपचारका लागि र्यापिड रेस्पोन्स टिम गठन गरेर काम गरिरहेको प्रदेश ५ सरकारले लकडाउनको अवस्था विश्लेषण गर्ने जिम्मेवारी सीडीओहरुलाई समेत तोकेको छ । कोभिड—१९ पूर्वतयारी, प्रतिकार्य र नियन्त्रणका लागि मुख्यमन्त्री शंकर पोखरेलको अध्यक्षतामा बसेको बैठकले रुपन्देहीमा ३, बाँकेमा २ र दाङमा एउटा अस्पताल बनाउने निर्णय गरेको हो ।अस्पताल बनाउन रुपन्देहीको बुटवल धागो कारखाना, भैरहवाको भीम अस्पताल र देवदहमा रहेको देवदह बहुमुखी क्याम्पस तोकिएको छ । बाँकेमा क्यान्सर रोग अस्पताल र नेपाल प्रहरीको अस्पतालमा तथा दाङको बेलझुण्डीमा रहेको आयुर्वेद अस्पतालमा आइसोलेसनयुक्त अस्पताल बनाउने प्रदेश सरकारको तयारी छ ।
बिश्वभर महामारीको रुपमा फैलिएको कोरोना भाइरसले करिब दश हजार बढी मानिसहरुको ज्यान गइसकेको छ। लाखौ मानिस यसको संक्रमणमा परेका छन।
Discussion about this post