बाँके चैत २२ गते । कोरोना भाईरसबाट प्रभावितहरुलाई राख्नकालागि बाँकेको राप्तिसोनारी गाँउपालिका वडा नम्बर ८ मा सुविधासम्पन्न क्वारेन्टाईन तयार गरीएको छ । वडा कार्यालयले शम्सेरगन्जमा रहेको शिब शक्ति माध्यमिक बिद्यलयमा १५ वेडको क्वारेन्टाइन तयार पारेको हो । क्वारेन्टाइनको लागि आवश्यक सम्पूर्ण पूर्वाधार तयार गर्नुका साथै आवश्यक सामग्रीको व्यवस्था गरिएको वडा अध्यक्ष खुम बहादुर बस्नेतले जानकारी दिनुभयो । क्वारेन्टाइनमा तीनजना स्वास्थ्यकर्मी, एक जना कार्यालय सहयोगी र खाना बनाउने ब्यक्तिहरु रहेन छन । क्वारेन्टाईनमा वाईफाइ, पानी र खाना सबैको प्रबन्ध गरिएको बस्नेतले बताउनुभयो । उनले भने आबश्यक परेको खण्डमा यसलाई बढाएर १०० बेडसम्मको निर्माण गर्न सकिने जनाउनुभयो । क्वारेन्टाईनमा बस्ने ब्यक्तिका लागि आधारभुत आबश्यकताका झुल,कम्बल, टोबल, ब्रस मन्जन,पानी खाने भाडा सबै उपलब्ध भएको समेत बताउनुभयो । क्वारेन्टाईन निर्माणमा नेपाल रेडक्रस सोसाईटी र गाँउपालिकाको उल्लेखिय भुमिका रहेको थियो । आज गाँउपालिकाका अध्यक्ष लाहुराम थारु, उपाध्यक्ष धनिकुमारी खत्री, नेपाल रेडक्रस सोसाईटीका बरिष्ठ जिल्ला शाखा अधिकृत दोलख डाँगीले क्वारेन्टाईनको अबलोकन गर्नुभएको थियो।
Discussion about this post