बाँके चैत २२ गते । नेपालगन्जका औषधि पसलहरु धमाधम खुल्न थालेका छन्। कोरोना संक्रमणको जोखिम बढेको भन्दै व्यवसायीहरुले एकहप्ता सम्म आफ्ना औषधि पसल बन्द गरेका थिए । सामान्य अवस्थामा पनि चौविसै घण्टा औषधि पसलहरु खुल्लै राख्नु पर्ने भएपनि संकटको बेला बन्द गरेर मानिवयता समेत नदेखाएको चर्को आलोचनापछि औषधि पसलहरु खुल्नेक्रम बढेको हो । नेपालगन्जको नरर्सिङ होम अगाडीका अधिकांश औैषधि पसलहरु खुलेका छन् । सरकारले लकडाउन गरेको भन्दै वहाना बनाएर उनीहरुले एक हप्तासम्म औषधि पसल बन्द गरेर घरमै बसेका थिए । जस्का कारण विरामीहरुलाई औषधि लिन ठूलो सकस परेको थियो ।
औषधि व्यवसायी संघ बाँकेका अध्यक्ष बसन्त शर्माका अनुसार, अधिकांश औषधि पसलहरु सन्चालनमा रहेका छन् । संघले बन्द औषधि पसलहरु पनि खोल्न सबैलाई आग्रह गरेको छ । विपदको बेलामा औषधि पसलहरु झन खुल्लै राख्नु पर्छ, हामीले सबै व्यवसायीहरुलाई भनेका छौं, आफु सुरक्षित भएर नागरिकहरुको सेवामा चौविसै घण्टा खटिनुहोस् । उहाँले औषधिका केही थोक विक्रेताहरुले व्यवसाय बन्द गरेकोमा दुःख व्यक्त गर्दै यथासक्य सन्चालनमा ल्याएर औषधिको सहज आपूर्ति गर्नमा सघाउन जोड दिनुभएको छ।
Discussion about this post