सरला सुबेदी बर्दिया चैत्र २२ गते । कोरोना संक्रमण फैलिए सङ्गै देशमा लकडाउन लागेको हो ।लकडाउन सुरु हुनु अघिदेखि ठाकुरद्धाराका विभिन्न होटलमा आएका केही विदेशी पर्यटकहरु होटलमै बसेका छन् । उनिहरु मध्ये ५ जना विदेशी पर्यटकको खर्च सकिन थालेपछी ठाकुरबाबा नगरपालिकाले उनिहरुलाई खाद्यान्न सहयोग गरेको छ ।
स्थानिय वाइल्ड ट्रेड होटलमा दुइ हप्ता अघिदेखि बसिरहेका ३ जना इङलेण्ड र २ जना इटालीका पर्यटकहरु बेखर्ची भएको सुचना आएपछी नगरपालिकाले आफ्ना नगरबासीहरुलाई झै उनिहरुलाई एक हप्ता सम्मका लागि पुग्ने चामल, दाल, नुन, तेल, तरकारी सहयोग गरेको हो । पहिलो चरणमा उनिहरुलाई एक हप्ताका लागि खाद्यान्न सहयोग गरेका छौँ, आवश्यक परेमा फेरी पनि खाद्यान्न सहयोग गर्ने ठाकुरबाबा नगरपालिकाका नगरप्रमुख घननारायण श्रेष्ठले बताए ।
नगरप्रमुख श्रेष्ठले नगरपालिकामा बनाएको क्वारेन्टाइन स्थलमा लगेर बसाल्छौ, खुवाउँछौभन्दा उनिहरुले होटलमै टेन्ट लगाएर क्वारेन्टाईनमा झैँ बस्छौँ, खर्च सकिएपनि होटलले खान र बस्न उधारोमा दिएकै छ, हामीहरु बेखर्ची भएका बेला खाद्यान्न नगरपालिकाले सहयोग गर्नुभयो, खुसी लाग्यो बिदेशी पर्यटकका लिडर आफुलाई टोनी बाजे भन्न रुचाउने टोनीले भने ।
होटलको सहयोगमा एक हप्तासम्म खायौ बस्यौ, अहिले स्थानिय सरकारले खाद्यान्न सहयोग गरेको छ, होटललाई पनि दुःख दिन्नौ, अब आफै पकाउँछौ उनले भने । हामीले त अपनत्तोपन पहिलेनै गुमायौ नेपालमा अपनत्तोपन छ, कोरोनाले मानवताको पाठ सिकायो उनले भने बेखर्ची भएका पाहुनालाई अहिलेसम्म आफुहरुले खाना र बास निःशुल्क गरेका थियौँ, होटल संचालक ब्रिटिस नागरिक जोन र सीताराम थारुले भने । बेखर्ची भएका विदेशीलाई स्थानिय सरकारले खाद्यान्न सहयोग गरेकोमा उनिहरुले खुसी व्यक्त गरेका छन् ।
Discussion about this post