बाँके चैत २६ गते । बाँकेमा अहिलेसम्म ४२ जनाको कोरोना परिक्षणको रिपोर्ट नेगेटिभ आएको छ । ‘थ्रोट स्वाव’ परिक्षणका लागि विभिन्न अस्पताल र क्वारेन्टाइनबाट अहिलेसम्म ५४ जनाको ‘थ्रोट स्वाव’ संकलन गरेर पठाइएकोमा ४२ जनाको रिपोर्ट ‘नेगेटिभ’ आएको जिल्ला स्वास्थ्य कार्यालय बाँकेले जनाएको छ । चैत २३ गते २३ जनाको ‘थ्रोट स्वाव’ को नमुना संकलन गरेर प्रदेश जनस्वास्थ्य प्रयोगशाला भैरहवा पठाइएको थियो । जसमध्ये ११ जनाको रिपोर्ट नेगेटिभ आएको हो । यसअघि काठमाण्डौमा गरिएको परिक्षणबाट ३१ जनाको कोरोना परिक्षणको रिपोर्ट नेगेटिभ आएको थियो ।
ADVERTISEMENT
Discussion about this post