बाँके चैत्र २६ गते । बाँकेको बिकट नरैनापुर गाउँपालिकाका क्वारेन्टाइनमा रहेकाहरुको सहज स्वास्थ्य परिक्षण, खान बस्न लगायतमा अनेकन समस्या देखीएको छ । कोरोना परिक्षण र स्वास्थ्य उपचारका लागि नरैनापुर गाउँपालिकाद्धारा स्थापीत नरैनापुर गाउँपालिका वडा न ४ खोदवा र वडा न ६ भोजपुरका २ वटा क्वारेन्टाइनमा १७० जना रहेका छन् । क्वारेन्टाइनमा आवश्यक स्वास्थ्यकर्मी(जनशक्ति), स्वास्थ्य सामाग्री(थर्मल गन, पीपीई, मास्क, सेनेटाइजर) र राहत सामाग्री लगायतको समस्या रहेको छ । स्थानीय तहबीचको आवागमन समेत रोकीएपछि नेपालगञ्जबाट उपलव्ध हुँदै आएको सामाग्रीको झन समस्या देखीदै गएको छ । स्वास्थ्य सामाग्री र राहतको समस्या त छदैथियो, गाउँमा नयाँ मान्छेहरु पनि आउन थालेको गाउँपालिका अध्यक्ष मो इस्तियाक अहमद शाहले बताउनु भयो ।
भारत र नेपालमा लक डाउन गरिएपनि लुकी छीपी भित्रीने क्रम नरोकीएपछि त्यहाँ थप सन्त्रास छाएको छ । कोरानो विरुद्ध थालीएको प्रयास बारे सम्वाद समूह बाँकेका तर्फबाट चासो राखीएपछि अध्यक्ष शाहले अनेकन समस्याहरु सार्वजनिक गर्नु भएको हो । सो क्षेत्रमा मास्क, हेण्डवाश र साबुन समेतको अभाव बढदै गएपछि सो को ब्यवस्था गरिदिन पनि उहाँले अपील गर्नु भयो । मच्छर बढेसँगै क्वारेन्टाइनमा झुलको समेत आवश्यक्ता छ तर पैंसा छैन –उहाँले सबैमा सहयोगको अपील गर्नु भयो– जसले जे सक्छ, त्यही सहयोग गर्नुस् ।
Discussion about this post