जावेद अन्सारी बाँके चैत २६ गते । मुस्लिम संगठन नेपालले मुस्लिम समुदायको ध्यानाकर्षण गराएको छ । बुधबार एक प्रेस विज्ञप्तिमार्फत बिश्वब्यापी रुपमा मानव जीवन लाई नै धरापमा पार्ने कोरोना भाइरस (कोभिड १९) को महामारीको संक्रमणबाट बच्न मुस्लिम समुदायकाे ध्यानाकर्षण गराएकाे हाे । संगठनका संयोजक सेराज अहमद फारुकिले बिश्वका सबै राष्ट्र जुध्दै गरेको र हाम्रो देशमा पनि १० हजार जना मानिस क्वारेन्टाइनमा वसेकाले नेपाल पनि यस रोग बाट अछुतो भने नरहेको बताए । उनले हाल यो कोरोना भाइरसको कारणले विश्वभरी ८० हजार जति मानिसहरु ज्यान गुमाइ सकेको बताए ।
आज विश्व नोबेल कोरोना भाइरस (कोभिड १९) महामारीको भयावह अवस्थाबाट गुज्रिरहेको छ । तथ्याङ्कलाई हेर्ने हो भने दिन्दिनै सङ्क्रमित हुनेको संख्या अझै तिब्र गतिमा बढ्ने क्रममा छ । विदेशमा रहनुभएका नेपालीहरूमा झन अकल्पनीय प्रभावहरू देखिन थालेको ले उनले यसै विज्ञप्ति मार्फत बिदेशमा बस्नुहुने सम्पुर्ण नेपाली लाई सुरक्षित रहन आग्रह समेत गरेका छन ।
यसै गरि संगठनका सह संयोजक अतहर हुसेनले नेपालमा महामारीको प्रभाव पर्न नदिन समय मै नेपाल सरकारले लक डाउन तथा उच्च सर्तकताको नीति अपनाए को कारणले गर्दा हामी अहिले केहि हद सम्म महामारीलाई रोक्न नियन्त्रण गर्न सफल रहेको बताए। उनले बिश्वब्यापी रुपमा दिनदिनै बढ्दो क्रममा रहेको कोरोना सङ्क्रमणलाई हामी कहाँ बढ्न नदिन सरकारको तर्फबाट हर सम्भव प्रयत्नहरू भएको र रोक्ने क्रम जारी नै रहेको बताए । सरकारले गरेका केही कामहरूको सन्दर्भमा प्रश्नहरू उठेका छन र सो विषयहरूको उचित सम्बोधन हुनुपर्ने कुरामा मुस्लिम संगठन आशावादी रहेको उनले बताए । यो महामारीबाट जोगिनको लागि सरकारले गरेको निर्णय र निर्देशनलाई इमान्दारिताका साथ पालना गर्नुको कुनै बिकल्प न रहेकोले हामी सबैले सरकारले लगाएको नियम पालना गरेर सरकारलाई पुर्ण रुपमा सहयोग गर्नुपर्ने बताए ।उनले संक्रमणको बेला मित्र राष्ट्र भारतले गरे लगात्तै दिल्ली को निजमुद्दिनमा फसेका तब्लिगी जमातका मुस्लिमहरुको बिषय लाई लिएर केही असमाजिक, कट्टरपन्थी हरुको झुन्डले नेपाल जस्तो धार्मिक सहिष्णुता भएको राज्यमा धार्मिक सहिष्णुता खल्बल्याउने दुस्साहस गरेकाले त्यस्तो सामाजिक सद्भाव फैलाउने समाज बिरोधिलाई राज्यले तुरुन्त कारबाही गर्नु पर्ने आफ्नो संगठनको माग रहेको बताए । उनले भोलि २०७६ चैत्र २७ गते बिहिवार दिन पर्ने मुस्लिम समुदायको शबे-बरात (सुबरात) पर्व लाई अहिलेको महामारी लाई मध्यनजर गर्दै लकडाउनको पुर्ण रुपमा पालन गर्दै आ-आफ्नै घर भित्र बसि शब्बेदारी (रात जाग्राम) गर्नु, इबादत गर्न मुस्लिम समुदायमा हार्दिक अपील समेत गरेका छन् । त्यस्तै हाल सम्म दैनिक ५ पटकको नमाज जुमाको नमाज जसरी घरमै पढि रहेका छौ त्यस लाई संक्रमण पुर्ण रुपले नहटे सम्म घरघरमै बसेर निरंतरता दिने बताए ।
Discussion about this post