बाँके चैत ३० गते । क्वारेन्टाइन निर्माणका लागि प्लान इन्टनेशनल नेपाल फिल्ड कार्यालय बाँकेले सात लाख बढिको सामाग्रीहरु सहयोग प्रदान गरेको छ । प्लानले सात लाख १७ हजार ३ सय ९१ बराबरको सहयोग सामाग्री आइतबार बाँकेका प्रमुख जिल्ला अधिकारी कुमार बहादुर खड्कामार्फत प्रदान गरेको छ । सो अवसरमा प्रमुख जिल्ला अधिकारी खडकाले धेरै राम्रो कार्य गरिएको भन्दै धन्यवाद ज्ञापन गर्नुभयो । उहाँले यो सामाग्रीले क्वारेन्टाइनमा समस्या रहेका ठाउँहरुलाई व्यवस्थापन गर्न सहज हुने बताउनुभयो । सो अवसरमा नेपाल रेडक्रस सोसाईटी बाँके शाखा सभापति गोवर्धन सम्झनाले यस्तो बिपत्तीको समयमा सबैको सानो सानो सहयोग नै महामारी जित्ने आधार बन्ने धारणा राख्नुभयो । रेडक्रस सभापति सम्झनाले प्लानले बिगतमा पनि अपत बिपतमा सहयोग गर्दै आएको र अहिले गरेको सहयोग उत्कृष्ठ रहेको बताउनुभयो ।
बिश्वव्यापी रुपमा कोरोना भाइरसको जोखिम बढिरहेको अवस्थामा नेपालमा यसको जोखिम कम गर्न सहयोग पुग्ने उद्देश्यले सो सामाग्री सहयोग गरिएको प्लान बाँकेका स्वास्थ्य तथा सरसफाई कार्यक्रम संयोजक केशब सुबेदीले जानकारी दिनुभयो । सहयोग सामाग्रीहरुमा ब्लान्केट ४०० थान, पि–फम ४०० थान, झुल २४ थान, र त्रिपाल २५ थान रहेको छ । प्लानको यस अघि शनिबार बर्दियाको मधुवन नगरपालिकामा दुई लाख ३५ हजार दुई सय १९, बारबर्दियामा एक लाख दुई हजार चार सय ७६ र शुक्रबार बाँके र बर्दियामा चार लाख दश हजार एक सय ८८ रुपैया बराबरको सामाग्री सहयोग गरिएको छ । कोरोना महामारीको नियन्त्रणमा प्रत्यक्ष रुपमा खटिएका सहयोग प्रदान गरिएको प्लानका प्रारम्भिक बाल बिकास कार्यक्रम संयोजक किरण भण्डारीले जानकारी दिनुभयो ।
Discussion about this post