बर्दिया बैशाख २ गते । बर्दिया ठाकुरबाबा नगरपालिका वडा न ३ बखतपुरका ३० बर्षिय चक्र थारु काभे्रबाट घर फर्किने क्रममा बाँकेको राप्ती सोनारी अगैयाबाट सम्पर्कबीहीन हुनु भएको छ ।
गाउँले साथीहरुसँगै ट्रकमा अगैयासम्म आएका थारु शौच गर्न जाँदा छुटेको र शुक्रबारदेखि बेपत्ता भएको हुनाले चौतर्फी खोजीका लागि आहवान गरिएको छ । भोकले रन्थनीएका थारु अगैयाबाट कोहलपुरतर्फ लागेको बताइएको छ तर त्यसपछि कसैसँग सम्पर्क हुन सकेको छैन । कालो सर्ट लगाएका थारुलाई जो कोहीले फेला पारेमा नजीकैको प्रहरी चौकी, ठाकुरबाबा नगरपालिकामा खवर दिन हुन ठाकुरबाबा नगरपालिकाका नगर प्रमुख घननारायण श्रेष्ठले जानकारी दिनु भयो । थारुको खोजीकार्य शुुरु गरिसकिएको जिल्ला प्रहरी कार्यालय बाँकेका प्रहरी नायव उपरिक्षक शिवसिंहले बताउनु भयो । थारुको खोजीका लागि सम्वाद समूह बाँके र बर्दियाले पनि आवश्यक समन्वय र पहल गरिरहेको सम्वाद समूह बाँकेका सहजकर्ता शुक्रऋषि चौलागाईले जानकारी दिनु भयो ।
Discussion about this post