बाँके बैशाख ३ गते । भेरी अस्पताल नेपालगन्जमा पिपिईको अभाव भएको छ । अत्यावश्यक कुरामा समेत अस्पतालले ध्यान नदिएपछि काम गर्ने वातावरण नभएको चिकित्सकहरुले गुनासो गरेका छन् । कोरोना भाइरस विरुद्धको उपचारमा खटिएका स्थास्थ्यकर्मीले आपतकालिन अवस्था पनि अस्पताल प्रशासनको काम गर्ने शैली प्रभावकारी नभएको आरोप लगाएका छन्। नियमिति रूपमा अस्पतालमा काम गर्ने कर्मचारीको ब्यक्तिगत सुरक्षामा प्रशासनले ध्यान नदिएका कारण आफुहरु जोखिममा परेको उनीहरुको भनाइ छ । ईमजेन्सीमा काम गरिरहेका कर्मचारीलाई समेत अस्पतालले ब्यक्तिगत सुरक्षा सामग्री पिपिइ उपलब्ध गराउन नसकेपछि स्थानीय रुपमा निर्माण गरिएको पिपिर्इ लगाएर स्वास्थ्यकर्मीले काम गरेका थिए । अस्पताल प्रशासनले सुरुआतमा आइसुलेशनमा बस्ने डाक्टरहरुलाई लाई पिपिइ उपलब्ध गराएको थियो। तर ईमरजेन्सीमा काम गर्ने कर्मचारीहरुले भने पाएका थिएनन्।
भारतीय सीमासँग जोडिएको हुनाले बाँके कोरोनो संक्रमणका हिसाबले उच्च जोखिममा रहेको जिल्ला हो। भारतबाट आएका मानिसहरुलाई सिमा नजिकै क्वारेनटाईनमा राखिएको छ।
भेरी अस्पताल नेपालगन्जका निमित्त प्रमुख मेडिकल सुपरिन्टेन्डेन्ट डा प्रकाश थापाले अस्पतालमा पिपिइको अभाव रहेको बताउनुभयो । हामीलाई विभिन्न संघ संस्थाले सहयोग गर्नु भएको छ। हामीसँग अहिले करिब १ सय जति पिपिइ छ। बाँकेमा कोरोना पुष्टिमा भएमा त्यो प्रर्याप्त होइन । अझै हामीलाई करिब १ हजार जति आवश्यक पर्छ।
Discussion about this post