बाँके बैशाख १० गते । नेपालगन्ज उपमहानगरपालिकाले विषयगत क्षेत्र समन्वय समिति गठन गरेको छ ।
उपमहानगरपालिकाका उपप्रमुख उमा थापाको अध्यक्षतामा पालिका स्तरिय संरक्षण विषयगत क्षेत्र समन्वय समिति गठन गरिएको हो । समन्वय समितिमा पालिकाका प्रमुख प्रशासकीय अधिकृत, स्वास्थ्य, शिक्षा, महिला तथा बालबालिका, विपद् व्यवस्थापन शाखाका प्रमुख, नेपाल रेडक्रस, संरक्षणको क्षेत्रमा कार्यरत संघ संस्थाका प्रतिनिधि रहने छन् ।
समितिले विपद्को समयमा जोखिममा पर्न सक्ने वर्ग महिला, बालबालिका, जेष्ठ नागरिक, अपांङता भएका व्यक्ति, लैंगिक तथा यौनिक अल्पसंख्यकको आवश्यकतालाई सम्बोधन गर्न आवश्यक सूचना तथा तथ्यांक संकलन गर्ने उपमेयर थापाले जानकारी दिनुभयो । त्यस्तै समितिले राहत वितरण, आवश्यकता अनुसार पीडितको संरक्षण तथा पुनःस्थापना गर्न पहल गर्ने, लैंगिक हिंसा रोकथाम, नियन्त्रण र व्यवस्थापन, मनोविमर्शकर्ता परिचालन लगायतको काम गर्नेछ ।
Discussion about this post