काठमाडौ बैशाख १२ गते। प्रधानमन्त्री केपी शर्मा ओलीले कतारका प्रधानमन्त्री खालिद बिन थानीसँग फोन वार्ता गरेका छन । खासगरी कतारमा रहेका नेपालीको सुरक्षा र कल्याणका विषयमा प्रधानमन्त्री ओलीले कतारी समकक्षी थानीसँग कुरा गरेको प्रधानमन्त्री ओलीका प्रेस सल्लाहकार सुर्य थापाले जानकारी दिए ।
प्रधानमन्त्री ओलीले फोन संवादमा कतारमा विभिन्न आरोपमा गिरफ्तारमा परेका १७ नेपालीलाई रिहाइ गरेकाप्रति खुशी व्यक्त गर्दै धन्वयाद पनि दिएका छन ।
प्रधानमन्त्री ओलीले ट्वीटरमा लेखेका छन, “कतारका प्रधानमन्त्रीसँग फोन संवाद गरे, मैले त्यहाँ रहेका नेपालीको सुरक्षा र कल्याणका बारेमा चासो राखे, कतारका प्रधानमन्त्रीले त्यहाँ रहेका नेपालीको बारेमा चिन्ता नलिन आग्रह गर्नुभयो, मैले विभिन्न आरोपमा गिरफ्तार १७ नेपालीको रिहाइप्रति खुशी व्यक्त गर्दै धन्यवाद दिएँ ।”
कोरोना भाइरसको सङ्क्रमण विश्वभरी नै फैलिँदै गएपछि यसअघि पनि प्रधानमन्त्री ओलीले विभिन्न देशका प्रधानमन्त्री तथा राष्ट्रप्रमुखसँग संवाद गरी आफ्ना नागरिकको सुरक्षा र कल्याणको विषयमा कुराकानी गरिरहेका छन । यसक्रममा प्रधानमन्त्री ओलीले भारतीय समकक्षी मोदीसँग पनि कुरा गरेका थिए ।
Discussion about this post