बाँके बैशाख १२ गते । नेपालगंज मुस्लिम समाज बाँकेले आज रमजान पर्वको शुभारम्भको शुभअवसरमा राहत खाद्यान्न सामग्री सहित नगद रकम हस्तान्तरण गरेको छ ।
कोरोनको कारण देश लकडाउन भए सङ्गै नेपालगंज मुस्लिम समाज हलपल दिनदुखिको सेवामा निरन्तर लागिरहेको छ। शुक्रबार नेपालगंज बहुमुखी क्याम्पस भित्र अध्ययनरत अन्य जिल्लाका बिधार्थी हरू लाक़डाउनको कारण क्याम्पस भित्रै होस्टलमा बस्न बाध्य रहेका छन जस्को कारण उनिहरु समस्यामा परेका छन् ।
उनिहरुको समस्या थोरै भएनी कम गर्न आज नेपालगंज मुस्लिम समाजले नगद पाच हजार सहित राहत खाद्यान्न समाग्री सहयोग गरेको मुस्लिम,समाज का समाजसेवी अगुवा मुन्ना मंसुरी बताउछन्।
राहत वितरण कार्यक्रम मुन्ना मन्सुरी,मेराज अहमद, हिमालय सारीक अली तथा सहयोगी रचना श्रेष्ठ र रमेश सुनारको उपस्तिथिमा गरिएको थियो ।
लकडाउनको कारण अहिले धेरैको जनजीवन अस्तव्यस्त भएको छ । कति परिवारलाई बिहान बेलुका को छाक टार्न धौ धौ परेको छ ।
यस्तो बेला बाहिरी जिल्लाबाट अध्ययन गर्न आएका विद्यार्थीहरुमाथी स्थानीय तह र अन्य संघ सस्थाको नि सहयोगि नजर नपरेको बेला मुस्लिम समाजलाई उनिहरुको अवस्था जानकारी गराई सम्पर्क गराई राहत वितरणमा सहयोग पुर्याएको भन्दै समाजसेवी रचना श्रेष्ठलाई समाजका अगुवा मुन्ना मन्सुरिले धन्यवाद ज्ञापन गरेका छन् ।
Discussion about this post