कृष्णा यादव वीरगंज १२ गते । पर्सा जिल्लाको बिन्दवासिनी गाउँपालिका वडा नम्बर ३ झौवामा रहेका गरिब, अतिविपन्न परिवारको लागि अाएको राहतमा वडा अध्यक्षको पतिले हिनामिना गरेकोले स्थानियले विरोध गरे पछि राहत बितरण स्थगित भएको छ ।
बिन्दवासिनी गाऊपालिका वडा नं। ३ झौवामा रहेका अतिविपन्न तथा गरिबहरुलाई सर्वदलिय समितिले १३५ जनाको नाम छनौट गरेकोमा आज वितरण सुरु गर्दा राहत वितरणको लागि बनाईएको प्याकेटमा समान रुपले सामग्रीहरु नरहेको देखेपछि स्थानियहरुले बिरोध गरेका थिए ।
बिरोध भए पछि राहत कार्य स्थगित भएको छ । राहतको लागि बनाईएको प्याकेटमा कुनैमा तेल थिएन, त कुनैमा दाल तथा अन्य सामग्रीहरु पनि नरहेको स्थानियहरुले हेरेपछि बिरोध भएको स्थानिय जयप्रकाश चौरसियाले बताए ।
गाउँपालिकाबाट वडा नं। ३ का वडध्यक्ष सलमा खातुनका श्रीमान हनिफ अंसारीले १० लिटर तेल चोरेर घर लगे पछि राहत साम्रगीमा कमी भएको स्थानिय चौरसियाले बताए ।
यसरी गरिब, बिपन्नहरुको लागि ल्याईएको सामग्री चोरी गरेका व्यक्तिलाई तत्काल पक्राउ गरी कारवाही गर्न स्थानीयहरूले माग गरेका छन् ।
“राहतको लागि हामीलाई बोलाई समय खेर फालेको तथा भिडभाड समेत गराएका थिए” भन्दै स्थायीनहरुले “वडा कार्यालयले राहत वितरणमा अनियमित्ता गरेकाहरु माथि आवश्यक छानबिन गरी कारवाही गर्नु पर्ने माग गरे ।
” सो सम्बन्धमा गाउँपालिकाका प्रशासकीय अधिकृतसँग सम्पर्क गर्दा उनको मोबाईल स्विच अफ रहेको छ ।
Discussion about this post