काठमाडौ बैशाख १५ गते । सत्ता र पार्टी दुबैमा पद धरापमा परेपछि प्रधानमन्त्री तथा नेकपाका अध्यक्ष केपी शर्मा ओली र बरिष्ठ नेता माधव कुमार नेपालबीच सोमबार निर्णायक वार्ता चलिरहेको छ । सोमबार बिहानैदेखि चलिरहेको वार्ता निर्णायक मोडमा पुगेपनि कठिन अवस्था सिर्जना भएको छ ।
बरिष्ठ नेता नेपालले प्रधामन्त्री वा पार्टी अध्यक्षमध्ये एक दिएको खण्डमा मात्रै सहयोग गर्ने प्रस्ताव राखेपछि ओली झन अप्ठ्यारोमा परेका छन । उनले पार्टी अध्यक्ष दिन प्रस्ताव गरेको र नदिएको खण्डमा प्रचण्डसँग मिलेर प्रधानमन्त्री बन्ने बताएको पनि नेपाल निकट नेताहरुले बताएका छन ।
यी दुईवटामध्ये कूनै एक पद दिएको खण्डमा मात्रै ओलीको प्रधानमन्त्री र पार्टी अध्यक्ष पद जोगिने पनि माधव नेपालको धारणा छ । यदि अझै पनि कमजोर सम्झेर पेल्न खोजे सत्ता र पार्टी दुबैबाट ओलीलाई हटाउने माधव नेपालको चेतावनी रहेको ओली पक्षका नेताहरुको दाबी छ ।
पार्टीमा छलफल नै नगरी अध्यादेश ल्याएर पार्टी फुटाउन खोजेको आरोपपछि प्रधानमन्त्री ओली संकटमा फसेका छन । विगतदेखि नै पेलेर निर्णय गर्न बानी परेका ओलीलाई यस्तो अवस्थामा के गर्ने ? भन्ने चिन्ता थपिएको छ । अर्का अध्यक्ष प्रचण्डले माधव नेपाललाई विश्वासमा लिएर ओलीविरुद्ध श्रृंखलाबद्ध आक्रमण शुरु गरेपछि उनको प्रधानमन्त्री पद झनै धरापमा छ ।
यस्तो अवस्थामा माधव नेपालले कस्तो निर्णय लिन्छन ? त्यसैमा ओलीको पद र शक्ति निर्भर हुनेछ । सोमबार निर्णायक ठानिएको वार्तामा सकारात्मक रहेपनि निष्कर्षमा पुग्न कठिन देखिएको दुबै पक्षका नेताहरुको भनाई रहेको छ ।
Discussion about this post