बाँके ,बैशाख १६ गते । कोरोना भाइरसको सङक्रमणको जोखिमबाट जोगिन नेपालगन्ज उपमहानगरपालिका नेकपा नगर कमिटिले लकडाउनको पुर्ण पालना गर्न आव्हान गरेको छ ।पछिल्लो समय लकडाउनको पुर्ण पालना नभएको हुदा नेपालमा पनि कोरोना सन्क्रमित संख्या बढिरहेका छन् ।
अर्को तर्फ लकडाउनका कारण उपमहानगरपालिका भित्रै हजारौं संख्यामा भोको पेट बस्नु पर्ने अवस्थामा पुगेका मजदुर, विद्यार्थी, डेरावाललाई सहयोग गर्न नेपालगंञ्जमा नेपाल कम्युनिस्ट पार्टी ( नेकपा)ले राम्रो अभियान सुरु गर्न थालेको छ ।
नेपाल कम्युनिष्ट पार्टी (नेकपा) नेपालगञ्ज उपमहानगरपालिका कमिटीले विपद ब्यवस्थापन कोष खडा गरी राष्ट्रिय बाणिज्य बैंक धम्बोजी शाखामा बैंक खाता खोली सबैलाई सहयोग गर्न नगरकमिटीका सचिव दत्तप्रसाद आचार्यले सबैलाई अनुरोध समेत गरेका छन् ।
र कोरोनाका कारण रुझेका मनलाई सहयोग गर्न खडा गरिएको कोषमा सहयोग गर्न चाहाने व्यक्ती, संघ सस्थाका दाताहरुले बैंकको चल्ती खाता नम्बर ४१३०००६७१२०१ मा सहयोग जम्मा गर्न सक्ने बताएका छन् ।
उनले पार्टीका सबै तहका नेता, कार्यकर्ता, समाजसेवी, उद्योगी, ब्यवासायी लगायत संघ सस्था सबैलाई यो संकटको घडिमा एकले अर्को लाई सहयोग गर्दै संकटको सबै मिलि सामना गर्न अनि भोका रहेका पेट भर्न सबैलाई आग्रह समेत गरेका छन् ।
Discussion about this post