बाँके बैशाख १६ गते । सरकारले लकडाउनलाई थप कडाइ गर्ने भनेपनि बाँकेमा भने लकडाउनको पूर्णपालना हुन सकेको छैन् । सरकारले कोरोना रोकथाम तथा नियन्त्रणका लागि गत चैत ११ गतेदेखि मुलुकलाई लकडाउन घोषणा गरेको थियो ।
पटकपटक थप गर्दै बैशाख २५ गतेसम्म लकडाउन कायमै हुने सरकारले निर्णय गरिसकेको छ । तर बाँकेमा भने दिउँसो चारबजे पछिमात्र लकडाउन हुने गरेको छ । विहानदेखि दिउँसोको समय बजारमा मानिसहरुको चहलपहल सामान्य दिनमा झै देखिने गरेको छ । पसलहरुमा अधिकांश खुल्ने गरेका छन् ।
प्रहरी प्रशासन चारबजे पछि मात्र लकडाउन कार्यान्वयन गराउन क्रियाशिल देखिने गरेको छ । लकडाउनका समयमा अत्यावश्यक खाद्यान्न, तरकारी, दुग्ध व्यवसाय, औषधी पसल बाहेक अन्य पसल खोल्न पाईदैन् । तर नेपालगन्जमा किराना पसलदेखि कष्मेटिक पसलसम्म निर्वाध खुलिरहेका छन् ।
अत्यावश्यक काम बाहेक नागरिकहरुलाई घरबाहिर ननिस्कन भनिएपनि दिउँसोको समयमा निर्वाध मानिसहरु सडक, बजार, चोकमा हिडिरहेका छन् । बाँकेका प्रमुख जिल्ला अधिकारी कुमार बहादुर खड्काले लकडाउन कार्यान्वयन गराउन प्रहरी प्रशासन प्रतिबद्धत रहेको बताउनुभयो ।
उहाँले अत्यावश्यक काम बाहेक मानिसहरु घर बाहिर ननिस्केको दावी गरेपनि दिउँसोको समयमा नेपालगन्ज बजार अन्य सामान्य दिनजस्तै देखिने गरेको छ । प्रमुख जिल्ला अधिकारी खड्काले भीडभाड बढी हुन लागेरै चार बजेदेखि औषधि पसल बाहेक अन्य सवै बजार व्यवसाय बन्द गरेको जीकिर गर्नुभयो ।
फोटो हेर्नुस
Discussion about this post