जनकपुरधाम बैशाख २२ गते। धनुषामा सालीसँगको प्रेमलाई विवाहमा परिणत गर्न एक व्यक्तिले आफ्नै श्रीमतिको हत्या गरेका छन । धनुषाको मिथिला नगरपालिका वडा नम्बर ९ लालभिट्टीका हरि चौहानले आफ्नै श्रीमती वीणा चौहान लामाको हत्या गरेर स्थानीय सामुदायिक वनमा शब गाडेको अवस्थामा फेला परेको इलाका प्रहरी कार्यालय ढल्केबरले जनाएको छ ।
उनले गएको बैशाख १८ गते सलले घाटी थिचेर श्रीमतीको हत्या गरेका थिए । हरिले ५ वर्षअघि वीणासँग प्रेम विवाह गरेका थिए । यी दुवैको १ छोरा र १ छोरी समेत छन् । तर यसबीचमा सालीसँग प्रेम शुरु भएपछि उनलाई श्रीमतिलाई छाड्न दबाब पर्दै गएको छ ।
सालीले आफूलाई श्रीमति बनाउन दबाब दिएपछि हरिले वीणाको हत्या गरेको प्रहरीको प्रारम्भिक अनुसन्धानबाट खुलेको छ ।
ADVERTISEMENT
Discussion about this post