बाँके बैशाख २४ गते ।
एउटै वस्तिका २३ जनामा कोरोना संक्रमण देखिएपछि नेपालगन्ज आएको विश्व स्वास्थ्य संगठनसहितको स्वास्थ्यकर्मीको टोली आज विहानदेखि पुनः कन्टयाक्ट टे«सिङमा जुटेको छ ।
संक्रमितको कन्टयाक्ट टे«सिङ गर्दा हिंजो ५६ जनाको थ्रोट स्वाव संकलन गरिएको थियो । उक्त टोली आज विहानैदेखि कन्टयाक्ट टे«सिङमा जुटेको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिनुभयो । उहाँका अनुसार टोलीले मध्यान्ह १२ बजेसम्म कन्टयाक्ट टे«सिङगरी त्यसको लिस्टिङ गर्ने र दिउँसोदेखि पुनः थ्रोट स्वाव संकलन गर्नेछ ।
शुक्रबार ६० बर्षिय पुरुषमा कोरोना संक्रमण पुष्टि भएपछि उनैलाई पछ्याउनेक्रममा ९४ जनाको स्वाव परीक्षणमा २२ जनामा कोरोना पोजेटिभ देखिएको थियो । तर ति ६० बर्षिय पुरुषको परिवारका कुनैपनि सदस्यमा कोरोना पोजेटिभ नदेखिएपछि विश्व स्वास्थ्य संगठनको विज्ञ टोलीले थप नयाँ ढंगबाट कन्टयाक्ट टे«सिङ गरिरहेको छ ।
नेपालगन्ज उपमहानगरपालिका वडा नं. ७ का ६० बर्षिय पुरुष वडा नं. ८ जोलहनपुरुवामा रहेको मस्जिदमा नमाज पढ्न जाने र त्यही ठाउँमा रहेको मदरसामा पढाउन जाने गरेको तथ्यका आधारमा उनले नै संक्रमण फैलाएको आंशका गरिएको थियो । तर उनको परिवारका सबै ६ सदस्यमा कोरोना नेगेटिभ देखिएपछि पहिलो संक्रमित अरु नै थिए की ? भन्ने आंशकामा अनुसन्धान सुरु भएको हो ।
कोरोना रोकथाम तथा नियन्त्रण, संक्रमितको कन्टयाक्ट टे«सिङ र स्वाव संकलनलाई प्रभावकारी गराउन स्थानीय प्रशासनले तीन दिनका लागि हिंजोदेखि नै नेपालगन्जलाई निषेधित क्षेत्र लागू गरिसकेको छ ।
Discussion about this post