काठमाडौं बैशाख २४ गते । कोरोनाबाट बचाउने स्वास्थ्यकर्मीको सम्मानमा सरकारले वैशाख २५ गते बेलुकी दीप प्रज्वलन गर्न सबैलाई आग्रह गरेको छ । मंगलबार बसेको कोरोना रोकथाम तथा नियन्त्रण उच्च स्तरीय समितिको बैठकले बैशाख २५ गते बेलुकी ७ बजे कोरोना रोकथाम र उपचारमा खटिएका स्वास्थ्यकर्मी, सञ्चारकर्मी, स्वयमसेवक लगायतको सम्मानमा दीप प्रज्वलन गर्न आह्वान गरेको हो । २५ गते वुद्धजयन्ती पनि परेको छ । त्यस दिन लुम्बिनीमा नेपालले अन्तर्राष्ट्रिय वौद्ध सम्मेलन पनि आयोजना गरेको थियो । तर कोरोना भाइरसको महामारीका कारण स्थगित भएको छ । सम्मेलन स्थगित भएपनि बुद्धजयन्तीलाई कोरोना भाइरसको लडाईविरुद्ध एक हुन दीप प्रज्ज्वलन गर्नुपर्ने सरकारको धारणा छ । नेपालमा अहिलेसम्म संक्रमित ८२ जनामध्ये १६ जना उपचारपछि घर फर्किएका छन । हालै तिब्र रुपमा कोरोना परीक्षण गरेको भन्दै संयुक्त राष्ट्र संघले राष्ट्रिय जनस्वास्थ्य प्रयोगशालाकी निर्देशक डा. रुना झालाई कोरोना भाइरसविरुद्धको अभियानमा लागेकामध्ये संसारकै उत्कृष्ट ५ महिलामा छनौट गरेको थियो । यसअघि सरकारले नयाँ बर्षको दिन पनि कोरोना भाइरसविरुद्धको लडाईमा अग्रमोर्चामा खटिएकाहरुको सम्मानमा दीप प्रज्ज्वलन गर्न आह्वान गरेको थियो ।
Discussion about this post