बाँके बैशाख २९ गते ।
कोरोना ९कोभिड–१९० को संक्रमण भित्रीन र फैलिन नदिन सरकारले अनेकन प्रयास गरेपनि भारतबाट नेपाल आउने क्रम नरोकीएपछि सन्त्रास बढेको छ ।
नेपाल र भारत सरकारले डेढ महिना अघि देखि नै लकडाउन गरेपनि भारतका विभिन्न स्थानबाट नेपाल आउने क्रम नरोकीएपछि अधिकांसलाई उद्धार गरेर क्वारेन्टाइनमा राखीएको थियो ।
तर पछिल्लो समय नेपालमा पनि कोरोना संक्रमण देखीएपछि सीमावर्ती क्षेत्रबाट प्रवेश गर्न दिइएको छैन तथापी जवरजस्ती नेपाल आउन खोज्नेहरुको संख्या भने सीमामा बढ्दो छ । भारत र नेपाल सरकारको भद्र सहमतीअनुसार ‘जो जहाँ छन् त्यहीं व्यवस्थापन गर्ने’ भनीएपनि भारतका विभिन्न स्थानबाट सयौं कीमी हिडेर नेपालीहरु सीमामा पुगेर अलपत्र भएका छन् । स्थानीय प्रशासनले सीमाबाट कसैलाई पनि नेपाल प्रवेश गराउन नसकीने जनाएपछि क्वारेन्टाइनमा अवधी पुरा गरेकाहरु पनि अलपत्र अवस्थामा छन् ।
बुटवदेखि महाकालीसम्मको सीमाका विभिन्न स्थानमा चार हजार नेपालीहरु वेजोग अवस्थामा रहेको पाइएको छ । रुपन्देही सीमा नाका सुनौली र मर्चवारमा एक हजार दुई सय, कपीलवस्तुसँग जोडीएका कृष्णनगर, मर्यादपुर, भिल्मी, हर्दौना लगायतका स्थानमा दुई हजार एक सय ३७ जना, बाँके सीमाको श्रावस्ती र बहराइचको बाबागञ्ज, नानपारामा गरि एक सय बढी, बर्दियाको सीमा गणेशपुर, लौकाही, सलालपुरमा ५०, कैलाली बलीया लगायतका स्थान एकसय ७०, कञ्चनपुरको सीमावर्ती जिल्ला उदमसिंह नगरको खटीया,बनवासा, टनकपुर, रुद्रपुर लगायतका स्थानमा दुई सय हाराहारीमा रहेका छन् ।
सीमामा आइपुगेकाहरु मध्ये अधिकांस सडक, दशगजामै अलपत्र छन् भने कतीपय वगंैचा र विद्यालयमा वसीरहेका छन् । क्वारेन्टाइनमा बसीसकेकालाई भारतले नेपाल पठाउन खोजीरहेको छ तर नेपाली पक्षले अझैं भित्रयाउने शुरुसार नगरेपछि उनीहरु थप पीडित मात्र हैन, आक्रोशित पनि देखीएका छन् । महाकालीपारी रहेका मध्ये ७५ जना जवरजस्ती महाकाली तरेर नेपाल आएपछि उनीहरुलाई अहिले महेन्द्रनगरस्थित वैजनाथ विद्यालयमा राखीएको छ । भारतबाट आएकाहरुबाटै नेपालमा कोरोना संक्रमण देखीएपछि अब उनीहरुलाई परिक्षण गर्ने गरि मात्र नेपाल ल्याइनुपर्ने माग उठेको छ । अलपत्र नेपालीहरु भन्छन् – सरकारले भनेको हामी मान्छौं तर विचल्ली नपारियोस् ।
नेपाल पत्रकार महासंघ कञ्चनपुरका अध्यक्ष एवं सम्वाद समूहका सदस्य विष्णु अवस्थी स्वास्थ्य परिक्षण गरिएका र क्वारेन्टाइनको अवधी पुरा गरेकाहरुलाई गन्तव्य सम्म पु¥याउने बातावरण बनाईदिनु पर्ने आवश्यक्ता औल्याउनु हुन्छ । भोक प्यास र बढ्दो गर्मीले अलपत्र नेपालीलाई स्थानीय सरकारले नेपालका क्वारेन्टाइन सम्म ल्याउन स्वीकृत मागेपनि उनीहरुलार्ई ल्याउन दिइएको छैन । लुकीछुपी नेपाल आउने सम्भावना कायमै रहेकाले सो विषयमा सरकारले बेलैमा उचित कदम चाल्नु पर्ने बाँके नरैनापुर गाउँपालिकाका प्रमुख मो इस्तियाक अहमद शाहको सुझाव छ ।
सीमामा अलपत्र परेकाहरुको उद्धार र व्यवस्थापनका लागि सहजीकरण गर्दै आएको सम्वाद समूहले पछिल्लो चरण कोरोना परिक्षण गरिएका र अवधी पुरा गरेकाहरुलाई नेपाल प्रवेश गराउने बातावरण सिर्जना गरिदिन सम्वद्ध पक्षलाई ध्यानाकषर्ण गराउँदै आएको छ । सम्वाद समूह बाँकेले बाँकेका सांसदमार्फत प्रदेश ५ का मुख्य मन्त्री शंकर पोखे्रल, परराष्ट्रमन्त्री प्रदिप ज्ञवाली र गृहमन्त्री राम बहादुर थापा बादललाई समेत जानकारी गराएर आवश्यक पहलका लागि सहजीकरण गरिसकिएको छ तथापी सार्थक परिणाम कहीले देखीने हो एकिन छैन । हाल सम्म नेपालमा कोरोना संक्रमीतको संख्या एकसय २१ पुगेको छ ।
Discussion about this post