बाँके, साउन २२ गते ।
बैंकिङ कसुर मुद्दामा फरार रहेका कर्णाली डेभलपमेन्ट बैंकका तत्कालीन प्रमुख कार्यकारी अधिकृत (सीईओ) सहित तीन जनालाई बाँके प्रहरीले पक्राउ गरेको छ।
पक्राउ पर्नेमा तत्कालीन प्रमुख कार्यकारी अधिकृत ४२ वर्षीय निरज विक्रम शाह, ३९ वर्षीया दिपा थापा र ४३ वर्षीया सुभेच्छा श्रेष्ठ छन्। उनीहरू सबै नेपालगन्ज उपमहानगरपालिका–१२ का बासिन्दा रहेको प्रहरीले जनाएको छ।
समस्याग्रस्त घोषित कर्णाली डेभलपमेन्ट बैंकका लागि नेपाल राष्ट्र बैंकबाट गठित व्यवस्थापन समूहका तर्फबाट जुगल किशोर कुशवाहले दिएको जाहेरीका आधारमा उनीहरूविरुद्ध बैंकिङ कसुर मुद्दा दर्ता भएको थियो।
मुद्दामा फरार रहेका उनीहरूलाई जिल्ला प्रहरी कार्यालय बाँकेबाट खटिएको टोलीले विशेष सूचनाका आधारमा नेपालगन्ज–१२ बाट पक्राउ गरेको हो।
पक्राउ परेका तीनै जनालाई आवश्यक कानुनी कारबाहीका लागि उच्च अदालत तुलसीपुर, नेपालगन्ज इजलासमा बुझाइएको जिल्ला प्रहरी कार्यालय बाँकेका सूचना अधिकारी प्रहरी नायब उपरीक्षक प्रतित सिंह राठौरले जानकारी दिए।
प्रहरीका अनुसार उनीहरूविरुद्ध बैंकिङ कसुरसम्बन्धी मुद्दामा कानुनी प्रक्रिया अघि बढाइएको छ।
Discussion about this post