बाँके बैशाख २९ गते ।
नेपाल भारत सीमानाकाबाट लुकिछिपी रातारात नेपाल भित्रीनेको संख्या बढेपछि सिमानाकाबाट लुकिछिपी नेपाल प्रबेश हुन नदिन स्थानीय प्रशासनले सीमा क्षेत्रको निगरानीलाई थप कडाई गरेको छ ।
बिश्वब्यापी रुपमा फैलिएको महामारी रोग कोरोना भाइरस कोबिड–१९ को संक्रमणबाट बच्नको लागि सिमानाकामा कडाइ गरिएको हो । लकडाउनको कारण सीमा क्षेत्र शिल हुँदा सीमा क्षेत्रको आवागमन ठप्प भएपनि अनाधिकृत तरिकाले कोही पनि आवत जावत गर्न नपाओस भनेर सीमा क्षेत्रको अनुगमन तथा निगरानी कडाई गरिएको बाँकेका प्रमुख जिल्ला अधिकारी कुमारबहादुर खड्काले जानकारी दिएका छन् ।
उनले लकडाउनको अवस्थामा जो जहाँछ त्यही रहनु पर्ने सहमति अनुसार सीमा क्षेत्रबाट लुकीछिपि आएको वा आउन सक्ने अवस्थालाई कडाई गर्दै सीमा क्षेत्रमा सशस्त्र प्रहरीको निगरानी बढाईएको बताएका छन् ।
उनले कोरोना संक्रमण फैलन नदिन र संक्रमणबाट जोगाउन स्थानीय प्रशासनले गरेको प्रयासमा सबैले साथ दिन आग्रह समेत गरेका छन् । यसैबीच बाँकेको सुरक्षा समितिका सदस्य सहित प्रमुख जिल्ला अधिकारी खड्काको टोलीले सोमबार बाँकेको खजुरा गाउपालिका र जानकी गाउपालिकासंग सीमा क्षेत्र जोडिएका बिभिन्न स्थानको स्थलगत अवलोकन गरेको छ ।
सो अवसरमा सीमा क्षेत्रबाट कुनै पनि आवगमन हुन नदिने कुरामा चनाखो हुन उनले निर्देशन समेत दिएका छन् । बाँकेमा २४ जनामा र बर्दियामा पनि १ जनामा कोरोना संक्रमण पुष्टि भएको छ। कोरोना सन्क्रमित बढेसङ्गै आ-आफ्नो ठाउँबाट सबै सुरक्षित भएर बस्नु पर्ने अनि भारतले लकडाउन खुकुलो पारे सङ्गै चोरी बाटो हुँदै नेपाल प्रवेश गर्ने हुँदा पछिल्लो समय थप कडाइ गर्नु परेको खड्काले बताएका छ्न।
Discussion about this post