बाँके बैशाख ३० गते ।
भारतीय बिस्तारबाद बिरुद्ध नेपालगञ्जमा लकडाउनको प्रवाह समेत नगरी प्रदर्शन गरिएको छ । राष्ट्रिय प्रजातन्त्र पार्टी बाँकेले मंगलबार नेपालगञ्जको बीपी चोकमा सीमा अतिक्रमण बिरुद्ध नाराबाजी सहित प्रदर्शन गरेको हो ।
प्रदर्शनमा बिदेशी हस्ताक्षेप बन्द गर, हाम्रो भूमि फिर्ता गर, लिपुलेक हाम्रै हो, नालापानी हाम्रो हो भन्ने नारा लगाइएको थियो । त्यस्तै ओली सरकार मुर्दाबाद, नालायक सरकार मुर्दाबाद, ओली सरकार राजीनामा दे सम्मको नारा समेत लगाइएको छ । लिम्पियाधुरा र लिपुलेक नेपाली भुमी भएको र त्यहाँ रहेका भारतीय सेना फिर्ता गर्नुको सट्टा लिपुलेकसम्म बाटो बनाई खोलिएको यातायातप्रति आपत्ति जनाउदै प्रदर्शन गरिएको राप्रापाका केन्द्रीय सदस्य ऋषिराज देवकोटाले जानकारी दिएका छन्।
सरकारले भारतीय बिस्तारबाद बिरुद्ध कुनै कदम नचालेको बिरुद्ध सरकारले राजीनामा माग गरेका छन् । राप्रपा सम्बद्ध युबा र विद्यार्थी तथा महिलाहरुले नेपालगञ्जको वीपी चौकमा एक घण्टा बिरोध कार्यक्रम प्रदर्शन गरेका थिए ।
Discussion about this post