खोजखबर संवाददाता बाँके असार ६ गते । आठौ राष्ट्रिय खेलकुद प्रतियोगितालाई दृष्टिगत गर्दै नेपालगञ्ज रंगशाला परिसरमा निर्माण शुरु गरिएको ‘स्वीमिङ्ग कम्पलेक्स’को शुक्रवार औपचारिक रुपमा उद्घाटन गरिएको छ ।
आज एक कार्यक्रमका बीच राष्ट्रिय खेलकुद परिषदका सदस्य सचिव केशवकुमार बिष्टले उद्घाटन गरेका हुन् । उक्त पौडी पोखरी राजधानीपछिको सुविधासम्पन्न पौडी पोखरी भएको जानकारि दिए ।
उद्घाटन कार्यक्रममा मा बोल्दै सदस्य सचिव बिष्टले नेपालगञ्जमा निर्माण भएका भौतिक संरचनाले यहाँका खेलाडीहरुलाई सहज हुने वातावरण सृजना गरेकोमा जाेड दिए। कार्यक्रममा मध्यपश्चिम खेलुकद विकास समिति प्रदेश ५ का अध्यक्ष भीम वलीले धेरै कसरत पछि यो संरचना निर्माण गर्न सकिएको बताए ।
पौडीका पुर्व प्रशिक्षण तथा केही प्रतियोगिता गर्न मिल्ने गरि निर्माण गरिएको उक्त कम्पलेक्समा करीब ३ करोडको प्याराफिट, डिप बोरिंङ्ग, अत्याधुनिक पानी शुद्धिकरण गर्ने उपकरण, रेष्टुरेन्ट लगायतको सुबिधा छ ।
प्रदेश ५ का अध्यक्ष वलीले डिपिआरदेखि हालसम्म करीब १८ करोड लागतमा पौंडी पोखरीको निर्माण सम्पन्न भएको जानकारी दिए । रङ्गशालामा मापदण्ड बनाएर सर्वसाधारणलाई समेत प्रवेश दिने तयारी गरिएको उनले उल्लेख गरे ।
Discussion about this post