खोजखबर संवाददाता बाँके असार ६ गते। बर्दिया जिल्लाको बढैयाताल गाउँपालिकाका बडघरहरु सिकलसेल एनिमिया बिरामीलाई निशुल्क चेकजाँचको ब्यवस्था र जिवनभर उपचारको ब्यवस्था मिलाउन बढैयातालका बडघर सकृय हुदैछन् । बढैयाताल गाँउपालिकामा सिकलसेल एनिमिया रोग संम्बन्धी गाँउपालिकाका बडघरहरुसंग छलफल गरिएको छ ।
सूचना र मानव अधिकार अनुसन्धान केन्द्रले सिकलसेल एनिमिया रोग बारे निशुल्क चेकजाँचको ब्यवस्था तथा जिवन भर उपचारको ब्यवस्था मिलाउनको लागि बढैयाताल गाँउपालिकामा स्थानीय सभा, रेडियो श्रोता समुहका सदस्यहरु र नागरिक समाजसंग पनि छलफल र समन्वय गर्दे आइरहेको छ ।
सोही अनुसार सिकलसेल एनिमिया बिरामीको लागि जिबन भर उपचारको ब्यवस्था आवश्यक किन भन्ने बारे एनएसडब्लुए कञ्चनपुरका क्षमता विकास अधिकृत देवराज बडुले सहजीकरण गरि बढैयाताल गाउँपालिकाको गाउँसभामा सिकलसेल एनिमिया बिरामीको जिवनभर उपचारको लागि बजेट किन आवश्यक भन्ने विषयमा बडघर, वडा अध्यक्षसंग छलफल गर्नु भएको थियो । त्यसैगरि सिकलसेल एनिमिया रोग बारेमा बडघरहरुसंग सूचना र मानव अधिकार अनुसन्धान केन्द्रका बर्दिया जिल्ला जवाफदेहिता अधिकृत सोम गुरुङ, सामुदायिक अनुसन्धानकर्मी सन्जिता कुमारी चौधरी र मैगर सामुदायिक संस्थाका कृष्णगोपाल थारुले पनि जानकारी गराएका थिए । बढैयाताल गाउँपालिकामा रहेका बडघरहरुसंग सिकलेसेल बारे जानकारी गराउनुको साथै पैरवीको लागि योजना समेत निर्माण गरिएको छ । सो भेटघाटको क्रममा बढैयाताल गाउँपालिका वडा नं. ९ का बडघर छंगा थारुले सिकलसेल एनिमिया रोग थारु समुदायका मानिसहरुमा बढी देखा परेकोले निशुल्क चेकजाँचको लागि गाउँपालिकासंग पहल गर्नु पर्ने बताउनुभयो ।
बढैयाताल गाउँपालिकाको कतिपय वडाको वस्ती स्तरको यौजना छनौट प्रक्रियामा सिकलसेल एनिमियाको बारे बस्ती स्तरको योजना छनौटबाटै योजनामा सिकलसेल एनिमिया रोगको बारे परिक्षण हुनु पर्ने योजना माग भएको बढैयाताल गाउँपालिका वडा नं. ९ का बडघर सुखलाल थारुले बताए । सूचना र मानव अधिकार अनुसन्धान केन्द्रले पारस्परिक जवाफदेहिता परियोजना अन्तरगत बढैयाताल गाउँपालिकाका सामुदायिक विद्यालयमा स्वास्थ्य परिक्षणको ब्यवस्था हुनु पर्ने र बढैयाताल गाउँपालिकाको सुशासन नीति बनाउन पनि पैरवी गरिहेको छ ।
Discussion about this post