अजय मिश्र
कपिलवस्तु, कृष्णनगर साउन ३० गते ।कपिलवस्तु जिल्लाको कृष्णनगरमा महिलाहरूको आउन लागेको महान पर्व हरितालिका तिजको अवसरमा सांस्कृतिक कार्यक्रमको आयोजना गरिएको छ। उद्योग वाणिज्य संघ कृष्णनगर र होटल तथा रेस्टुरेन्ट व्यवसायी संघ कृष्णनगरको संयुक्त आयोजनामा तिज विशेष कार्यक्रम सम्पन्न भएको छ ।
शिव प्रसाद घिमिरे को अध्यक्षतामा कार्यक्रमका प्रमुख अतिथि संघिय सांसद अभिषेक प्रताप शाह, विशिष्ट अतिथि इंडो नेपाल सामाजिक मंचका अध्यक्ष अकरम पठान, उद्योग वाणिज्य संघ कृष्णनगरका अध्यक्ष राम कुमार कौलापुरी, सशस्त्र प्रहरीका डि. एस. पी. सुशील कुमार शाही, दिनेश गुप्ता, रविंद्र गुप्ता, लक्षमण भट्टराई रहनु भएका थिए । कार्यक्रमको शुभारम्भ राष्ट्रीय गानद्वारा गर्दै अतिथि हरुलाई सम्मान गरिएको थिए । अतिथिहरुले महिलाहरु लाई आउन लागेको तीजको शुभकामना व्यक्त गरे। उक्त कार्यक्रममा आउन लागेको तीज गीतमा उपस्थित महिलाहरु नृत्य प्रस्तुत गरेका थिए। नेपालमा हरितालिका तीज धूमधामका साथ मनाइन्छ। विवाहित महिलाले सुखी दाम्पत्य र आफ्नो श्रीमानको दिर्घायुका लागि व्रत बस्दै विधि अनुसार पूजा अर्चना गर्ने गर्दछन्। उक्त कार्यक्रममा महिला को अधिकांश उपस्थित रहदै,समाजसेवी, पत्रकार, स्थानीय, सुरक्षाकर्मी लगायत २०० जना को उपस्थित रहेको थियो। कार्यक्रमको संचालन लालमणि भूषाल ले गरेको थिए ।
Discussion about this post