बागेश्वरी मन्दिर परिसरमा कम्प्लेक्स निर्माण विरुद्ध चार वटा धर्मबाट विरोध
जावेद अन्सारी बाँके साउन ३१ गते । स्थानिय बागेश्वरी मन्दिरको परिसरमा नेपालगन्ज उपमहानगरपालिकाका मेयर डा. धवल सम्सेर राणाले व्यावसायिक कम्प्लेक्स बनाउनको लागि शिलान्यास गरेपछि विवाद चर्किदै आउनुका साथै सहरी विकास मन्त्रालय काठमाडौंको बोद्यार्थ पत्र राष्ट्रिय खबर डट कमको टिमका साथमा चार वटा धर्मका अगुवाहहरुका साथमा जिल्ला प्रशासन कार्यालयमा बुझाईएको छ ।
जिल्ला प्रशासन कार्यालयका निमित्त प्रमुख जिल्ला अधिकारी कृष्णकान्त उपाध्यायलाई सहरी विकास मन्त्रालयको बोद्यार्थ पत्र बुझ्ने क्रममा निमित्त प्रजिअले भन्नुभयो–‘बागेश्वरी मन्दिर गुठी व्यवस्थापन समितिले निर्माण गर्न लागेको कम्प्लेक्सको विषयमा पुरातत्व विभागबाट अनुमति नलिएर निर्माण गर्न लागेको रहेछ भन्ने कुरा आएको छ । आज समितिले आयोजना गरेको बैठकमा पुरातत्व विभागबाट अनुमति नलिएको कारण कुनै पनि निर्णयमा मैले हस्ताक्षर गरिन । यो विषयमा बुझ्ने कार्य जारी छ । आइतबार सिडियो साब आएपछि कम्प्लेक्सको विषयमा सबै विवरण पेश गर्नेछु ।’
पत्र बुझाउने क्रममा शिख समुदायको तर्फबाट गुरुद्वाराको महासचिव अमरजित सिंहले धार्मिक संरचनाको आसपास यस्ता कम्प्लेक्सले गर्दा बागेश्वरी मन्दिरको सौन्दर्यकरणमा प्रत्यक्ष प्रभाव पर्ने बताउनु भयो ।
यसैगरी मुस्लिम समुदायको तर्फबाट जामा मस्जिदका सचीव इरफान सिद्धिकीले भन्नुभयो–‘बागेश्वरी मन्दिरमाथि यसरी आक्रमण हुन्छ भने हामी मस्जिद, गुरुद्वारा र चर्च कहाँ जाने ? हामीलाई समेत यसको डर फैलिएको छ । यस विषयमा सहरी विकास मन्त्री मो. इस्तियाक राईले द्रुत गतिमा जुन कदम चाल्नु भयो त्यो निकै नै स्वागत योग्य नै छ ।’
पत्र बुझाउन उक्त कार्यक्रममा ईसाई धर्मबाट आउनु भएका अगुवा बाँके इसाई समाजको उपाध्यक्ष कुल प्रसाद शर्माले पश्चिम नेपालको प्रख्यात बागेश्वरी मन्दिरको परिसरमा कुनै पनि त्यस्ता कम्प्लेक्स निर्माणमा असहमती भएको बताउनु भयो ।
यस्तै हिन्दु धर्मको तर्फबाट अगुवा रचना श्रेष्ठले बागेश्री मन्दिर परिसरमा कम्प्लेक्सको विरोध गर्दै मन्दिरलाई कुरुप बनाउने कार्य नगर्न सुझाव दिनु भयो ।
यसैबिच समाजवाद पार्टीका बाँके जिल्ला अध्यक्ष कमुरुद्दिन राईले बागेश्वरी मन्दिरलाई कुरुप बनाउन नहुने भन्दै भन्नुभयो–‘दुई चार आसेपासेलाई खुशी पार्न बागेश्वरी मन्दिर परिसरमा कम्पलेक्स निर्माण गर्न थालिएको हो । यो कम्प्लेक्सले बागेश्वरी मन्दिरलाई कुनै फाइदा हुँदैन । जुंगे महादेव जाँदाको पुलको अवस्था जीर्ण भइसकेको छ, तर मेयर साबले त्यता ध्यान दिनु भएको छैन । बागेश्वरी मन्दिरको विकासको लागि सहरी विकास मन्त्रालय र सांसद विकास कोषबाट पनि लगानी गर्ने योजना छ । जुंगे महादेव दर्शनको लागि महिला र पुरुषको लागि दुई लाइन निर्माणको लागि पनि इन्जिनियरसँग कुरा भइसकेको अवस्था छ ।’
Discussion about this post