लक्ष्मि तिमिल्सेना
बुटवल साउन ३१ गते । युवा नीति र कार्यक्रमको दीगोपनाको लागि युवा तथा सञ्चार बिषयक प्रदेश स्तरीय संवाद कार्यक्रम बुटवलमा सुरु भएको छ । अन्तराष्ट्रिय युवा दिवसको अवसरमा नमुना एकिकृत विकास परिषदको आयोजनामा दुई दिने संवाद कार्यक्रम सुरु भएको हो । कार्यक्रममा युवा सम्बन्धी बनेका नीतिगत व्यवस्था, त्यसको कार्यान्वयन अवस्था, र युवाका मुद्दाहरु सञ्चार माध्यममा कसरी उठान गर्ने भन्ने बारेमा छलफल हुने छ । जिल्ला समन्वय समिति रुपन्देहीका संयोजक एकराज विश्वकर्माले कार्यक्रमको उद्घाटन गर्नुभएको हो ।
कार्यक्रममा बाेल्दै जिल्ला समन्वय समिति रुपन्देहीका संयोजक एकराज विश्वकर्माले स्थानीय तथा प्रदेश सरकार सबै संग हातेमालो गर्दै युवाहरूलाई समाजिक,अार्थिक तथा भाैतिक विकास, उध्धमशिलता र दिगाे बिकासमा लाग्ने प्रतिबद्धता ब्यक्त गर्नुभयाे ।
अायाेजक संस्थाका अध्यक्ष ज्ञानु पाैडेलले अधिकार माग्दै गर्दा कर्तव्य विर्सन नहुनेमा जाेड दिदै नेपालकाे संविधानले युवाहरुकाे अधिकारकाे स्पस्ट रुपमा उल्लेख गरेको बताउनुभयो ।
यस्तै जागृति बाल तथा युवा सराेकार नेपालका अध्यक्ष तिलाेत्तम पाैडेलले नेपाली युवाको अवस्था र युवा विकासका लागि भएका कार्यहरू, यसकाे पृष्ठभूमि, युवानीतिहरु र युवा विकासका लागि संस्थागत अवस्था बारे बाेल्नुभएकाे थियाे। साथै उहाँले बर्तमान समयमा नेपालका युवाहरूको अवसर,सम्भावना, चुनाैति र नेपालकाे संविधानमा युवाबारेका ब्यबस्था बारे जानकरि गराउनु भएको थियाे ।
कार्यक्रममा प्रदेश नं ५ का रुपन्देही, दाङ, बांके, नवलपरासी लगायतका १०० जना युवाहरुकाे सहभागिता रहेकाे छ ।
स्काई क्लब, जागृति बाल तथा युवा सराेकार नेपाल,राष्ट्रिय युवा परिषदकाे सहकार्य तथा वल्डभिजन ईन्टरनेशनल काे सहयोगमा कार्यक्रम गरिएकाे हाे। अायाेजक संस्थाका अध्यक्ष ज्ञानु पाैडेलकाे अध्यक्षतामा सम्पन्न कार्यक्रममा तिलाेत्तम पाैडेल,निरज न्याैपाने र दुर्गालाल केसिले सहजिकरण गर्नुभएको छ । शुक्रबार सुरु भएको कार्यक्रम २ दिन सम्म सन्चालन हुनेछ ।
Discussion about this post