जावेद अन्सारी
बाँके जेठ ८ गते ।
बाँके नरैनापुर यतिबेला कोरोनाको हटस्पट बनेको छ । यहाँका एकजना युवाले ज्यान गुमाइसकेका छन् । संक्रमितको तथ्यांक हेर्ने हो भने नरैनापुरमा मात्र ७३ जना पुगिसकेको छ । अझै संक्रमित थपिनेमा कुनै शंका छैन् ।
यस्तोमा नरैनापुरबासीलाई कति त्रास होला, आफैपनि कल्पना गर्न सक्छौं । तर उनीहरुको त्रासमा मलहम बन्नुको साटो एकथरि बिषजस्तै दरिए । नरैनापुरका संक्रमितलाई कोहलपुरको पिपरीमा रहेको कृषि विकास तालिम केन्द्रमा लैजाने तयारी भएसँगै त्यहाँका स्थानीय सडकमा उत्रिए । यतिसम्मकी उनीहरुले दुईदिनसम्म गेटमै बसेर धर्ना दिए ।
योबेला संक्रमितको मनोबल बढाउने बेला थियो। उनीहरुलाई थप आत्मबल बढाउने ओखती चाइएको थियो। किनकी कोरोनाको ओखती आत्मबल नै हो । कोहलपुर लैजाने भनेर नरैनापुरबाट एम्वुलेन्समा ल्याइएका संक्रमितलाई त्यहाँका स्थानीयले बिरोध गर्दा दुईदिन सम्म नेपालगन्जको लायन्स अस्पतालमा खाँदेर राख्नु पर्यो ।
लायन्समा २२ बेडमात्र थियो, ५९ जनालाई कसरी राख्ने ? स्वास्थ्य कार्यालय बाँकेका कोरोना फोकल पर्सन नरेश श्रेष्ठले भने, हिंजो राती १० बजेतिर बल नै प्रयोग गरेर ४१ जनालाई पिपरी कृषि तालिम केन्द्रमा राखियो । यस्ले नै पुष्टि गर्छ कोरोना विरुद्धको अभियानमा प्रहरी प्रशासनको एक्लो प्रयास छ ।
कोहलपुरमा लैजाने निर्णयलाई कोहलपुर नगरपालिकाले समेत समन्वय र सहकार्य गर्न सकेन्। बाँकेमा कोरोना विरुद्धको अभियानमा अहिले प्रहरी प्रशासनले फ्रन्टलाइनमा काम गरिरहेको छ । चाहे त्यो लकडाउन कार्यान्वयन गराउने सवालमा होस चाहे त्यो संक्रमितहरुलाई राख्ने ठाउँसम्मै पुर्याउन नहोस् ।
हिंजोआज प्रहरी जवानहरुको खटाइको रफ्तार अस्वभाविक ढंगबाट बढेको बाँकेका एसपी वीरबहादुर ओलीले बताए । दिनरात, भोक प्यास नभनेर प्रहरी खटिएको छ उनले भने, लकडाउन कार्यान्वयन गराउन पनि अव प्रहरीले लाठी ठोक्नु पर्ने अवस्था आएको हो उनले प्रश्न गरे । नेपालगन्जमात्र होइ्न अहिले बाँके नै कोरोनाको जोखिममा छ यस्तोमा नागरिकहरु आफैले बुझ्ने कुरा हो उनले भने ।
Discussion about this post